1
00:00:05,000 --> 00:00:04,820
Jesusenꞌ wyejeꞌ gan nak ḻaw Yaꞌa Yag Olibo.

2
00:00:04,820 --> 00:00:13,980
Kateꞌ zaꞌ žaꞌníꞌ, bḻaꞌ Jesusenꞌ ḻiꞌa yodoꞌ, naꞌ bžingak yógoꞌte benách kaꞌ gan zoeꞌ. Jesusenꞌ wžiꞌe ga naꞌ, naꞌ bsedleꞌ ḻégakeꞌ.

3
00:00:13,980 --> 00:00:28,860
Naž benneꞌ yodoꞌ wsedle kaꞌ ḻen benneꞌ yodoꞌ fariseo kaꞌ bchéꞌgakeꞌ to noꞌle gan zoa Jesusenꞌ, noꞌlenꞌ bḻéꞌegekleꞌ žoneꞌ doḻaꞌ daꞌ ẕkaꞌn ditjen yeḻaꞌ ẕchag naꞌ. Bzégakeꞌ ḻeꞌ gachje ḻáweꞌle benách kaꞌ ẕze nággakeꞌ che Jesusenꞌ,

4
00:00:28,860 --> 00:00:35,120
naꞌ belyiꞌe Ḻeꞌ: —Benneꞌ wsedle, noꞌle ni wẕentoꞌ-neꞌ žoneꞌ doḻaꞌ daꞌ ẕkaꞌn ditjen yeḻaꞌ ẕchag naꞌ.

5
00:00:35,120 --> 00:00:42,620
Ḻo daꞌ bchiꞌle Moisés, gožeꞌ žoꞌo wžeꞌežo yej to noꞌle žoneꞌ daꞌ ki, nich gateꞌ. ¿Naꞌa Leꞌ, biẕ ẕnnoꞌ?

6
00:00:42,620 --> 00:00:52,840
Ki wnnágakeꞌ nich bi daꞌ nna Jesusenꞌ nich gak yesbágaꞌgakeꞌ Ḻeꞌ ẕia. Naž byechw Jesusenꞌ, naꞌ bwieꞌ ḻo yo, naꞌ bzojeꞌ ḻo yonꞌ ḻen x̱ben neꞌe.

7
00:00:52,840 --> 00:01:01,480
Kateꞌ wnnábḻeꞌegekleꞌ Ḻeꞌ, naž bezé Jesusenꞌ, naꞌ gožeꞌ ḻégakeꞌ: —Nólele ḻeꞌe bi naple doḻaꞌ wak so ḻawle wžeꞌele-neꞌ yej.

8
00:01:01,480 --> 00:01:07,220
Daꞌ yoble beyechw Jesusenꞌ, naꞌ bwieꞌ ḻo yo, naꞌ wzó ḻaweꞌ ẕzojeꞌ daꞌ yoble ḻo yonꞌ.

9
00:01:07,220 --> 00:01:24,940
Kateꞌ béngekleꞌ daꞌ ni, naꞌ ḻáẕdoꞌgakeꞌ bcheben ḻégakeꞌ, naꞌ bežojgak to tógakeꞌ. Zgáꞌalegak benneꞌ gole kaꞌ bezáꞌgakeꞌ, naꞌ wdé naꞌ benneꞌ kwideꞌ kaꞌ. Toze Jesusenꞌ bgaꞌneꞌ ḻen noꞌlenꞌ, ga naꞌ zoeꞌ gachje ḻáweꞌle benneꞌ kaꞌ ẕze nággakeꞌ chieꞌ Ḻeꞌ.

10
00:01:24,940 --> 00:01:38,980
Naž Jesusenꞌ bezíeꞌ daꞌ yoble, naꞌ bi bḻeꞌeleꞌ nitó benneꞌ žesbageꞌe noꞌlenꞌ ẕia, san toze noꞌlenꞌ, naꞌ gožeꞌ ḻeꞌ: —Noꞌle, ¿gaẕ zej nnitaꞌ benneꞌ kaꞌ besbágaꞌgakeꞌ leꞌ ẕia? ¿Bi zoa no benneꞌ ẕchogeꞌ chioꞌ gatoꞌ?

11
00:01:38,980 --> 00:01:47,900
Noꞌlenꞌ wnnéꞌ: —Nitóeꞌ. Naž Jesusenꞌ gožeꞌ ḻeꞌ: —Ḻezkaꞌ nedaꞌ, bi ẕchogaꞌ chioꞌ gatoꞌ. Beyéj ližoꞌ, naꞌ biž gonoꞌ doḻaꞌ.