1
00:00:05,000 --> 00:00:21,240
Daꞌ yoble Jesusenꞌ bcháḻjḻeneꞌ ḻégakeꞌ, naꞌ wnnéꞌ: —Nedaꞌ nakaꞌ baníꞌ chegak benách kaꞌ nnítaꞌgakeꞌ yežlyó nga. Nóteꞌteze benneꞌ sáꞌḻeneꞌ nedaꞌ tẕen, bi teꞌ gan nak choḻ, san soaḻen baníꞌ ḻeꞌ, nich ḻeꞌeleꞌ kan gataꞌ yeḻaꞌ nban daꞌ zejlí kanne chieꞌ.

2
00:00:21,240 --> 00:00:30,120
Naž benneꞌ yodoꞌ fariseo kaꞌ belyiꞌe Ḻeꞌ, naꞌ wnnágakeꞌ: —Leꞌ ẕzoa lioꞌ chioꞌ kwinzoꞌ. Bi zakaꞌ daꞌ ẕzoa lionꞌ. Dácheꞌze naken.

3
00:00:30,120 --> 00:00:43,020
Bechebe Jesusenꞌ, naꞌ gožeꞌ ḻégakeꞌ: —Ḻaꞌkze ẕzoa lianꞌ chiaꞌ kwinzaꞌ, dot daꞌ li nak daꞌ ẕzoa lianꞌ danꞌ nnezlaꞌ gan bžojaꞌ, naꞌ gan chaꞌa, san ḻeꞌe bi nnézlele gan zaꞌa, naꞌ gan yeyáꞌa.

4
00:00:43,020 --> 00:00:50,680
Ḻeꞌe ẕchiꞌa ḻážeꞌle kan zej nak daꞌ kaꞌ žákgaken yežlyó nga, san nedaꞌ, žakze chiaꞌ bi ẕchiꞌa ḻažaꞌa nitó benneꞌ.

5
00:00:50,680 --> 00:00:59,100
Ḻaꞌkze wchiꞌa ḻažaꞌa, ka nak daꞌ li wchiꞌa ḻažaꞌa, danꞌ kege nedzaꞌ wchiꞌa ḻažaꞌa, san X̱aꞌ, Bennenꞌ bseḻeꞌe nedaꞌ, gónḻeneꞌ nedaꞌ tẕen.

6
00:00:59,100 --> 00:01:06,040
Ḻezkaꞌ daꞌ bsedle Moisés nyejw ḻeꞌe yich laꞌy, naꞌ ẕnnan: “Daꞌ ẕzoa ligak chope benneꞌ, naken dot daꞌ li.”

7
00:01:06,040 --> 00:01:11,520
Nedaꞌ ẕzoa liaꞌ chiaꞌ kwinzaꞌ, naꞌ X̱aꞌ, Bennenꞌ bseḻeꞌe nedaꞌ, ḻezkaꞌ ẕzoa lieꞌ chiaꞌ nedaꞌ.

8
00:01:11,520 --> 00:01:25,680
Naž benneꞌ yodoꞌ fariseo kaꞌ wnnábgekleꞌ Ḻeꞌ, naꞌ wnnágakeꞌ: —¿Gaẕ zoa X̱oꞌ? Bechebe Jesusenꞌ, naꞌ gožeꞌ ḻégakeꞌ: —Bi nónbiaꞌle nedaꞌ, naꞌ bi nónbiaꞌle X̱aꞌ. Chelaꞌ nónbiaꞌle nedaꞌ, ḻezkaꞌ X̱aꞌ gónbiaꞌle-neꞌ.

9
00:01:25,680 --> 00:01:39,080
Bchaḻj Jesusenꞌ daꞌ ni kateꞌ ne zoeꞌ žsedleꞌ benách kaꞌ ḻo ẕchil yodoꞌ, gan zej nnitaꞌ kak kaꞌ gan ẕgóꞌogakeꞌ mežw che yodoꞌ, san nitó benneꞌ bi bex̱weꞌ Ḻeꞌ, danꞌ bi naꞌ žin ža chieꞌ choeꞌe ḻo náꞌgakeꞌ.

10
00:01:39,080 --> 00:01:52,120
Daꞌ yoble Jesusenꞌ gožeꞌ ḻégakeꞌ, naꞌ wnnéꞌ: —Yezáꞌa yežlyó nga, naꞌ yeyiljle no benneꞌ yesléꞌ ḻeꞌe, san gaꞌn doḻaꞌ daꞌ nbágaꞌle, naꞌ gatle. Gan chaꞌa nedaꞌ, bi gak yidle ḻeꞌe.

11
00:01:52,120 --> 00:01:59,920
Naž bchaḻjgak benneꞌ judío wnná biaꞌ kaꞌ, naꞌ wnnágakeꞌ: —¿Got kwineꞌ? Wnnéꞌ: “Gan chaꞌa nedaꞌ, bi gak yidle ḻeꞌe.”

12
00:01:59,920 --> 00:02:13,540
Jesusenꞌ gožeꞌ ḻégakeꞌ: —Nakle ḻeꞌe che yežlyó daꞌ ženꞌ žeꞌle nga, san nedaꞌ zaꞌa yaꞌabá che Dios daꞌ ženꞌ žaꞌle. Nakle ḻeꞌe benách che yežlyó nga, san nedaꞌ bi nakaꞌ benneꞌ che yežlyó nga.

13
00:02:13,540 --> 00:02:23,120
Che ḻen gožaꞌ ḻeꞌe: “Gaꞌn doḻaꞌ daꞌ nbágaꞌle, naꞌ gatle.” Chaꞌ bi chejḻeꞌle nakkzaꞌ Benneꞌ Weslá, gaꞌn doḻaꞌ daꞌ nbágaꞌle, naꞌ gatle.

14
00:02:23,120 --> 00:02:32,140
Naž wnnábgekleꞌ Ḻeꞌ, naꞌ wnnágakeꞌ: —¿Noẕkze benneꞌ nakoꞌ? Jesusenꞌ gožeꞌ ḻégakeꞌ: —Nakaꞌ kan ba gožaꞌ ḻeꞌe ža niꞌte.

15
00:02:32,140 --> 00:02:45,600
Daꞌ zan daꞌ žaḻaꞌ yapaꞌ ḻeꞌe, naꞌ wchiꞌa ḻažaꞌa daꞌ nak chele. Dižaꞌ dot daꞌ li ẕchaḻj X̱aꞌ, Bennenꞌ bseḻeꞌe nedaꞌ, naꞌ daꞌ ženlaꞌ ẕchaḻjeꞌ Ḻeꞌ, ẕcháḻjḻenanꞌ benách kaꞌ nnítaꞌgakeꞌ yežlyó nga.

16
00:02:45,600 --> 00:02:50,160
Bi bejníꞌigekleꞌ ẕcháḻjḻeneꞌ ḻégakeꞌ kan nak che Dios, X̱eꞌ.

17
00:02:50,160 --> 00:03:05,440
Che ḻen Jesusenꞌ gožeꞌ ḻégakeꞌ: —Kateꞌ žin ža wchisle nedaꞌ, Benneꞌ Goljeꞌ Benách, nich gotle nedaꞌ, naž gákbeꞌelele nakkzaꞌ Benneꞌ Weslá, naꞌ bi be žonaꞌ žakze chiaꞌ, san daꞌ bḻoeꞌel X̱aꞌ nedaꞌ ẕchaḻjanꞌ.

18
00:03:05,440 --> 00:03:13,380
X̱aꞌ, Bennenꞌ bseḻeꞌe nedaꞌ, zóaḻeneꞌ nedaꞌ. X̱aꞌ bi bkaꞌneꞌ nedaꞌ tozaꞌ, danꞌ žóntezaꞌ daꞌ žaz ḻažeꞌe Ḻeꞌ.

19
00:03:13,380 --> 00:03:17,700
Kateꞌ bchaḻj Jesusenꞌ daꞌ ni, benneꞌ zan bejḻéꞌgakeꞌ chieꞌ.