1
00:00:05,000 --> 00:00:15,160
Naž Jesusenꞌ gožeꞌ benneꞌ judío kaꞌ, benneꞌ žejḻéꞌgakeꞌ chieꞌ, naꞌ wnnéꞌ: —Chaꞌ góntezele kan ẕnna x̱tižaꞌa, daꞌ li gakle benneꞌ wsedle chiaꞌ kaꞌ.

2
00:00:15,160 --> 00:00:20,020
Gónbiaꞌle daꞌ nak dot daꞌ li, naꞌ danꞌ naken dot daꞌ li yeslán ḻeꞌe.

3
00:00:20,020 --> 00:00:29,500
Bežíꞌigakeꞌ, naꞌ belyiꞌe Ḻeꞌ: —Ẕaꞌsó Bran naktoꞌ, naꞌ bi zoa no benneꞌ beneꞌ netoꞌ benneꞌ ndoꞌw kaꞌ. ¿Biẕ chenꞌ ẕnnoꞌ: “Yeslán ḻeꞌe”?

4
00:00:29,500 --> 00:00:36,600
Jesusenꞌ gožeꞌ ḻégakeꞌ: —Daꞌ li žapaꞌ ḻeꞌe: Yógoꞌte benneꞌ wen doḻaꞌ kaꞌ, yóꞌogakeꞌ ḻo naꞌ doḻaꞌ.

5
00:00:36,600 --> 00:00:45,260
To benneꞌ ndoꞌw bi gáꞌntezeꞌ liž x̱an yoꞌo, san bennenꞌ nakeꞌ ẕiꞌn x̱an yoꞌonꞌ gáꞌntezeꞌ liž bennenꞌ nakeꞌ x̱an yoꞌonꞌ.

6
00:00:45,260 --> 00:00:50,360
Ki naken, chaꞌ Bennenꞌ nakeꞌ Ẕiꞌn Dios yesléꞌ ḻeꞌe, daꞌ li yelale.

7
00:00:50,360 --> 00:00:56,800
Nnezlaꞌ nakle ẕaꞌsó Bran, san žénelele gotle nedaꞌ, danꞌ bi nziꞌ ḻo naꞌle x̱tižaꞌa.

8
00:00:56,800 --> 00:01:03,900
Nedaꞌ ẕchaḻjaꞌ che daꞌ bḻeꞌelaꞌ gan zoa X̱aꞌ, san ḻeꞌe žonle daꞌ benl-le gan zoa x̱akzle.

9
00:01:03,900 --> 00:01:14,740
Bežíꞌigakeꞌ, naꞌ belyiꞌe Ḻeꞌ: —Bran nakeꞌ x̱a gole wdé chetoꞌ. Naž Jesusenꞌ gožeꞌ ḻégakeꞌ: —Chelaꞌ daꞌ li nakle ẕaꞌsó Bran, gonle kan ben Bran naꞌ.

10
00:01:14,740 --> 00:01:23,520
Naꞌa, žénelele gotle nedaꞌ, ḻaꞌkze ẕcháḻjḻenaꞌ ḻeꞌe daꞌ nak dot daꞌ li, danꞌ benlaꞌ bchaḻj Dios. Bi ben Bran naꞌ ki.

11
00:01:23,520 --> 00:01:31,780
Ḻeꞌe žonle kan žon x̱akzle. Naž belyiꞌe Ḻeꞌ: —Netoꞌ bi naktoꞌ ẕiꞌn ziꞌ kaꞌ. Toze Dios nakeꞌ X̱atoꞌ.

12
00:01:31,780 --> 00:01:45,200
Naž Jesusenꞌ gožeꞌ ḻégakeꞌ: —Chelaꞌ daꞌ li nak Dios X̱ale, siꞌ ḻo naꞌle nedaꞌ, danꞌ bžojaꞌ gan zoa Dios, naꞌ bḻaꞌa yežlyó nga. Kege žakze chiaꞌ bḻaꞌa, san Dios naꞌkze bseḻeꞌe nedaꞌ.

13
00:01:45,200 --> 00:01:52,700
¿Bi nnézlele biẕ chenꞌ bi gak chejníꞌilele daꞌ ẕnniaꞌ? Naken danꞌ bi žénelele wzé nagle x̱tižaꞌa.

14
00:01:52,700 --> 00:02:18,760
X̱akzle naken daꞌ x̱iweꞌ. Nakle che daꞌ x̱iwenꞌ, naꞌ žénelele gonle daꞌ žaz ḻažeꞌ x̱alenꞌ. Ža niꞌte daꞌ x̱iwenꞌ naken benneꞌ wetw benách kaꞌ, naꞌ bi nziꞌ ḻo nanꞌ daꞌ nak dot daꞌ li, danꞌ bi ẕchaḻjen daꞌ li. Kateꞌ žon ḻažeꞌ daꞌ x̱iweꞌ, ka nakkzen ẕchaḻjen, danꞌ naken benneꞌ wen ḻažeꞌ, naꞌ naken ka x̱ágakkze benneꞌ wen ḻažeꞌ kaꞌ.

15
00:02:18,760 --> 00:02:21,700
Danꞌ ẕchaḻjaꞌ nedaꞌ daꞌ li, bi žejḻeꞌle chiaꞌ.

16
00:02:21,700 --> 00:02:27,980
¿Nóẕlele ḻeꞌe gak yesbágaꞌle nedaꞌ doḻaꞌ? Chaꞌ ẕchaḻjaꞌ daꞌ li, ¿biẕ chenꞌ bi žejḻeꞌle chiaꞌ?

17
00:02:27,980 --> 00:02:36,320
No benneꞌ nakeꞌ che Dios, ẕze nageꞌ x̱tižaꞌ Dios, san ḻeꞌe, danꞌ bi nakle che Dios, bi ẕze nagle x̱tižeꞌe.

18
00:02:36,320 --> 00:02:46,400
Naž bežiꞌigak benneꞌ judío kaꞌ, naꞌ belyiꞌe Jesusenꞌ: —Káteze wnnatoꞌ kateꞌ wnnatoꞌ nakoꞌ benneꞌ Samaria, naꞌ žonḻen daꞌ x̱iweꞌ Leꞌ tẕen.

19
00:02:46,400 --> 00:02:55,540
Bechebe Jesusenꞌ, naꞌ gožeꞌ ḻégakeꞌ: —Bi žonḻen daꞌ x̱iweꞌ nedaꞌ tẕen. Nedaꞌ žapaꞌ X̱aꞌ ba laꞌne, naꞌ ḻeꞌe ẕzoale nedaꞌ cheḻaꞌale.

20
00:02:55,540 --> 00:03:01,400
Bi ẕkaꞌn ẕen kwinaꞌ. Zoa No Benneꞌ ẕkaꞌn ẕeneꞌ nedaꞌ, naꞌ Ḻeꞌ ẕchiꞌa ḻažeꞌe žoꞌo.

21
00:03:01,400 --> 00:03:06,300
Daꞌ li žapaꞌ ḻeꞌe: nóteꞌteze benneꞌ siꞌ ḻo neꞌe x̱tižaꞌa, bi gat bennenꞌ.

22
00:03:06,300 --> 00:03:22,480
Naž benneꞌ judío kaꞌ belyiꞌe Ḻeꞌ, naꞌ wnnágakeꞌ: —Naꞌa nnezltoꞌ žonḻen daꞌ x̱iweꞌ Leꞌ tẕen. Bran goteꞌ, naꞌ ḻezkaꞌ gotgak benneꞌ kaꞌ bcháḻjgakeꞌ ḻo wláz Dios, san Leꞌ ẕnnoꞌ: “Nóteꞌteze benneꞌ siꞌ ḻo neꞌe x̱tižaꞌa, bi gat bennenꞌ.”

23
00:03:22,480 --> 00:03:30,920
¿Nakžoꞌ Leꞌ ẕen ka x̱ažo Bran? Goteꞌ ḻeꞌ, naꞌ gotgak benneꞌ kaꞌ bcháḻjgakeꞌ ḻo wláz Dios. ¿Noẕkzenꞌ žon kwinoꞌ?

24
00:03:30,920 --> 00:03:42,480
Bechebe Jesusenꞌ, naꞌ gožeꞌ ḻégakeꞌ: —Chaꞌ nedaꞌ wkáꞌn ẕen kwinaꞌ, yeḻaꞌ ẕen naꞌ bi be zakanꞌ. X̱aꞌ ẕkaꞌn ẕeneꞌ nedaꞌ, naꞌ ḻeꞌe ẕnnale nakeꞌ Dios chele.

25
00:03:42,480 --> 00:03:56,340
Bi nónbiaꞌle X̱ažo Dios, san nedaꞌ nónbiꞌa-neꞌ. Chelaꞌ nniaꞌ: bi nónbiꞌa-neꞌ, naꞌ gakaꞌ benneꞌ wen ḻažeꞌ kan nakle ḻeꞌe. Nakle benneꞌ wen ḻažeꞌ kaꞌ. Naꞌa, daꞌ li nónbiꞌa-neꞌ, naꞌ nziꞌ ḻo naꞌa x̱tižeꞌe.

26
00:03:56,340 --> 00:04:05,580
X̱ale Bran bebeleꞌ danꞌ žaḻaꞌ ḻeꞌeleꞌ ža soaꞌ nedaꞌ yežlyó nga, naꞌ ḻaꞌkze goteꞌ ža niꞌte, bḻeꞌeḻenꞌ, naꞌ bebéḻeꞌeleꞌ.

27
00:04:05,580 --> 00:04:12,480
Naž benneꞌ judío kaꞌ belyiꞌe Jesusenꞌ, naꞌ wnnágakeꞌ: —Bi naꞌ gonoꞌ chi-yon yiz. ¿Bḻeꞌeloꞌ Bran naꞌ?

28
00:04:12,480 --> 00:04:18,720
Jesusenꞌ gožeꞌ ḻégakeꞌ: —Daꞌ li žapaꞌ ḻeꞌe: katenꞌ bi naꞌ soa Bran naꞌ, nedaꞌ ba zoakzaꞌ.

29
00:04:18,720 --> 00:04:30,340
Naž béx̱wgakeꞌ yej kaꞌ nich wžéꞌegakenꞌ Jesusenꞌ, san Ḻeꞌ bkacheꞌ kwineꞌ ḻáwgakeꞌ, naꞌ bežojeꞌ ḻaꞌ ḻiꞌa yodonꞌ. Wdíeꞌ gachje ḻáweꞌle gan nnítaꞌgakeꞌ, naꞌ beyejeꞌ.