1
00:00:05,000 --> 00:00:14,420
Žak byoꞌ zag kaꞌ, naꞌ nak ža žóngakeꞌ lni ḻo yež Jerusalén, kateꞌ žejsáꞌ ḻážeꞌgakeꞌ ka bdégakeꞌ yodoꞌ chégakeꞌ ḻo naꞌ Dios.

2
00:00:14,420 --> 00:00:20,220
Ẕda Jesusenꞌ ža yoꞌo yodoꞌ gan nak ḻo ẕchil chen, danꞌ nzinꞌ Ẕchil Che Salomón.

3
00:00:20,220 --> 00:00:31,420
Benneꞌ judío wnná biaꞌ kaꞌ bel-yéchjgakeꞌ Jesusenꞌ, naꞌ belyiꞌe Ḻeꞌ: —¿Batx̱kze wsanoꞌ žonoꞌ ga žek zedltoꞌ? Chaꞌ nakoꞌ Benneꞌ Cristonꞌ, kwáselo bḻoeꞌel netoꞌ.

4
00:00:31,420 --> 00:00:42,200
Jesusenꞌ gožeꞌ ḻégakeꞌ: —Ba gožkzaꞌ ḻeꞌe, san bi žejḻeꞌle chiaꞌ. Žin kaꞌ daꞌ žonaꞌ, daꞌ kaꞌ bde X̱aꞌ ḻo naꞌa gonaꞌ, zej nak bianꞌ no nakaꞌ.

5
00:00:42,200 --> 00:00:49,540
Ḻeꞌe bi žejḻeꞌle chiaꞌ, danꞌ bi nbábḻenle benneꞌ kaꞌ zej nakeꞌ ẕilaꞌ chiaꞌ kaꞌ, kan ba gožkzaꞌ ḻeꞌe.

6
00:00:49,540 --> 00:00:58,260
Ẕilaꞌ chiaꞌ kaꞌ žéngeklbaꞌ chiꞌa, naꞌ žeyónbiaꞌgakbaꞌ nedaꞌ, naꞌ nedaꞌ nónbiaꞌgakaꞌ-baꞌ, naꞌ záꞌḻengakbaꞌ nedaꞌ tẕen.

7
00:00:58,260 --> 00:01:08,100
Nedaꞌ ẕneẕjwaꞌ yeḻaꞌ nban daꞌ zejlí kanne chégakbaꞌ, naꞌ bi kwia yíꞌgakbaꞌ, naꞌ nitó benneꞌ bi sákeꞌleꞌ kwéjgakeꞌ-baꞌ ḻo naꞌa nedaꞌ.

8
00:01:08,100 --> 00:01:17,060
X̱ažo Dios bénngakeꞌ-baꞌ chiaꞌ, naꞌ Ḻeꞌ napžeꞌ yeḻaꞌ wak ka yógoꞌte benách kaꞌ, naꞌ bi gak nitó benneꞌ kwéjgakeꞌ-baꞌ ḻo naꞌ X̱anꞌ.

9
00:01:17,060 --> 00:01:20,480
Nedaꞌ, naꞌ X̱ažo Dios, toze naktoꞌ.

10
00:01:20,480 --> 00:01:25,860
Daꞌ yoble benneꞌ judío wnná biaꞌ kaꞌ béx̱wgakeꞌ yej kaꞌ nich wžéꞌegakenꞌ Jesusenꞌ.

11
00:01:25,860 --> 00:01:36,780
Jesusenꞌ gožeꞌ ḻégakeꞌ: —Daꞌ zan daꞌ zej naken chaweꞌ benaꞌ ḻawle, danꞌ nziꞌ ḻo naꞌa che X̱anꞌ. ¿Niꞌa che biẕle žin chaweꞌ kaꞌ wžeꞌele nedaꞌ yej?

12
00:01:36,780 --> 00:01:49,280
Bežiꞌigak benneꞌ judío wnná biaꞌ kaꞌ, naꞌ belyiꞌe Ḻeꞌ: —Niꞌa che žin chaweꞌ kaꞌ bi wžeꞌetoꞌ leꞌ yej, san danꞌ bi ẕchaḻjoꞌ chaweꞌ che Dios. Leꞌ nakoꞌ benachze, naꞌ žon kwinoꞌ Dios.

13
00:01:49,280 --> 00:01:57,600
Bechebe Jesusenꞌ, naꞌ gožeꞌ ḻégakeꞌ: —Nyejw ḻeꞌe yiche laꞌy kan wnná Dios, daꞌ ẕnnan: “Nedaꞌ ẕnniaꞌ: nakle dios kaꞌ.”

14
00:01:57,600 --> 00:02:07,520
Nnézkzelžo daꞌ nyejw ḻeꞌe yiche laꞌy nyéjwkzen to chiꞌize. Ḻeꞌe yiche laꞌy naꞌ benneꞌ kaꞌ bchaḻjḻen Dios ḻégakeꞌ nziꞌ lágakeꞌ dios kaꞌ.

15
00:02:07,520 --> 00:02:17,720
Diosenꞌ bebejeꞌ nedaꞌ chekzeꞌ, naꞌ bseḻeꞌe nedaꞌ yežlyó nga. ¿Naꞌa ẕnnele chiaꞌ: “Leꞌ bi ẕchaḻjoꞌ chaweꞌ che Dios” danꞌ wnníaꞌ: “Ẕiꞌn Dios nakaꞌ”?

16
00:02:17,720 --> 00:02:22,960
Chaꞌ bi žonaꞌ žin daꞌ bde X̱ažo Dios ḻo naꞌa gonaꞌ, bi žaḻaꞌ chejḻeꞌle chiaꞌ.

17
00:02:22,960 --> 00:02:36,760
Chaꞌ žonaꞌ žin daꞌ bde Dios ḻo naꞌa gonaꞌ, ḻaꞌkze bi žejḻeꞌle chiaꞌ nedkzaꞌ, le chejḻéꞌ daꞌ zej nak biaꞌ žin kaꞌ daꞌ žonaꞌ, nich gákbeꞌle žonḻen X̱ažo Dios nedaꞌ tẕen, naꞌ nedaꞌ žónḻenaꞌ X̱anꞌ tẕen.

18
00:02:36,760 --> 00:02:41,960
Daꞌ yoble gónegekleꞌ séngakeꞌ Jesusenꞌ, san Ḻeꞌ beléꞌ ḻo náꞌgakeꞌ.

19
00:02:41,960 --> 00:02:50,940
Naž wyéj Jesusenꞌ daꞌ yoble yecheḻáꞌa yego Jordán, gan wdá Ẕwa, bennenꞌ bezóeꞌ benách kaꞌ nis. Jesusenꞌ bgaꞌneꞌ ga naꞌ.

20
00:02:50,940 --> 00:03:04,020
Benneꞌ zan bžíngakeꞌ gan zoa Jesusenꞌ, naꞌ wnnágakeꞌ: —Daꞌ li bi ben Ẕwa nitó yeḻaꞌ wak ẕen, san yógoꞌte daꞌ wnná Ẕwanꞌ kan žaḻaꞌ gak che benneꞌ ni, dot daꞌ li naken.

21
00:03:04,020 --> 00:03:07,860
Che ḻen benneꞌ zan bejḻéꞌgakeꞌ che Jesusenꞌ gan zoeꞌ.