1
00:00:05,000 --> 00:00:15,500
Kateꞌ ža kaꞌ Lásaro, benneꞌ Betania, dieꞌ yižwéꞌ. Betania naꞌ naken lažgak Lia, naꞌ Marta. Nak Marta naꞌ noꞌle bile Lianꞌ.

2
00:00:15,500 --> 00:00:25,040
Nak Lianꞌ noꞌle zan Lásaronꞌ, bennenꞌ dieꞌ yižwéꞌ, naꞌ ḻezkaꞌ nakeꞌ noꞌlenꞌ wloéꞌe daꞌ ẕḻaꞌ ẕix̱ niꞌa X̱anžonꞌ, naꞌ besbižeꞌ niꞌe ḻen yichaꞌ yichjeꞌ.

3
00:00:25,040 --> 00:00:34,880
Belseḻaꞌ noꞌle zan Lásaronꞌ to benneꞌ bejližeꞌ Jesusenꞌ, naꞌ wnnéꞌ: —X̱an, bwia nga, Lásaro, bennenꞌ nžiꞌiloꞌ-neꞌ, dieꞌ yižwéꞌ.

4
00:00:34,880 --> 00:00:51,080
Kateꞌ Jesusenꞌ benleꞌ daꞌ ni, gožeꞌ benneꞌ kaꞌ nnítaꞌḻengakeꞌ Ḻeꞌ, naꞌ wnnéꞌ: —Yižwéꞌ ni bi naken daꞌ goten ḻeꞌ to chiꞌize, san naken nich ḻaꞌ ḻaw yeḻaꞌ ẕen che Dios, naꞌ niꞌa che yižwéꞌ ni ḻezkaꞌ ḻaꞌ ḻaw yeḻaꞌ ẕen chiaꞌ nedaꞌ, Ẕiꞌn Diosenꞌ.

5
00:00:51,080 --> 00:00:55,560
Jesusenꞌ nžiꞌileꞌ Martanꞌ, naꞌ noꞌle bile Martanꞌ, naꞌ Lásaronꞌ.

6
00:00:55,560 --> 00:01:03,440
Ḻaꞌkze Jesusenꞌ nžiꞌileꞌ ḻégakeꞌ, kateꞌ benleꞌ deꞌ Lásaronꞌ yižwéꞌ, bgaꞌneꞌ gan zoeꞌ yechóp ža kaꞌ.

7
00:01:03,440 --> 00:01:11,120
Wdé chope ža kaꞌ, Jesusenꞌ gožeꞌ benneꞌ wsedle chieꞌ kaꞌ, naꞌ wnnéꞌ: —Le choꞌo daꞌ yoble gan nbab Judea.

8
00:01:11,120 --> 00:01:21,660
Naž benneꞌ wsedle chieꞌ kaꞌ belyiꞌe Ḻeꞌ, naꞌ wnnágakeꞌ: —Benneꞌ Wsedle, gónegekle benneꞌ judío wnná biaꞌ kaꞌ wžéꞌegakeꞌ Leꞌ yej. ¿Chejoꞌ daꞌ yoble ga naꞌ?

9
00:01:21,660 --> 00:01:34,020
Bechebe Jesusenꞌ, naꞌ gožeꞌ ḻégakeꞌ: —Zej de chežinno hora te ža. No benneꞌ ẕdeꞌ te ža, bi chejchegweꞌ, danꞌ ẕḻeꞌeleꞌ, danꞌ baníꞌ daꞌ zoan yežlyó nga zóaḻenen ḻeꞌ.

10
00:01:34,020 --> 00:01:39,680
Chaꞌ bennenꞌ ẕdeꞌ žel, naꞌ chejchegweꞌ, danꞌ bi zoaḻen banínꞌ ḻeꞌ.

11
00:01:39,680 --> 00:01:48,940
Kateꞌ Jesusenꞌ beyóž bchaḻjeꞌ daꞌ ni, naž gožeꞌ ḻégakeꞌ: —Ẕtas Lásaro, benneꞌ lježžonꞌ, naꞌ chaꞌa nedaꞌ ga naꞌ nich yesbanaꞌ-neꞌ.

12
00:01:48,940 --> 00:01:56,080
Naž benneꞌ wsedle chieꞌ kaꞌ belyiꞌe Ḻeꞌ, naꞌ wnnágakeꞌ: —X̱an, chaꞌ ẕtaseꞌ, yeyakeꞌ.

13
00:01:56,080 --> 00:02:02,380
Jesusenꞌ wnnéꞌ ki danꞌ ba got Lásaronꞌ, san ḻégakeꞌ žékgekleꞌ wnnéꞌ: “Ẕtasze Lásaronꞌ.”

14
00:02:02,380 --> 00:02:07,020
Naž Jesusenꞌ gožeꞌ ḻégakeꞌ kwáselo, naꞌ wnnéꞌ: —Ba got Lásaronꞌ.

15
00:02:07,020 --> 00:02:15,440
Žebelaꞌ danꞌ bi wzóaꞌ ga naꞌ, danꞌ gak naꞌa to daꞌ gon chawenꞌ ḻeꞌe, danꞌ gonen ga chejḻeꞌle chiaꞌ. Le choꞌo naꞌa gan de Lásaronꞌ.

16
00:02:15,440 --> 00:02:26,760
Naž Mas, to benneꞌ žónḻeneꞌ Jesusenꞌ tẕen, bennenꞌ ḻezkaꞌ lieꞌ Benneꞌ Kwach, gožeꞌ yezikaꞌ benneꞌ wsedle chieꞌ kaꞌ, naꞌ wnnéꞌ: —Le choꞌo, gátḻenžo Ḻeꞌ tẕen.

17
00:02:26,760 --> 00:02:48,720
Yež Betania naꞌ ženꞌ gawze gan žeꞌ yež Jerusalén, naꞌ ngaꞌnzen ka ẕzaꞌžo to hóraze. Che ḻen ba bžingak benneꞌ zan, benneꞌ judío kaꞌ, gan zej nnitaꞌ Marta, naꞌ Lia, nich yeyón ẕéngakeꞌ ḻégakeꞌ, danꞌ ba got benneꞌ zángakeꞌ. Kateꞌ Jesusenꞌ bžineꞌ ga naꞌ, benleꞌ ba gok tape ža yoꞌo Lásaronꞌ ḻo yežw ba.

18
00:02:48,720 --> 00:02:56,180
Katenꞌ benle Martanꞌ zaꞌ Jesusenꞌ, naž bžojeꞌ ḻo yoꞌo, naꞌ bejchageꞌ Ḻeꞌ, san Lianꞌ bgaꞌnzeꞌ ḻo yoꞌo.

19
00:02:56,180 --> 00:03:01,660
Martanꞌ gožeꞌ Jesusenꞌ: —X̱an, chelaꞌ wzóꞌ Leꞌ nga, bi got benneꞌ zanaꞌ.

20
00:03:01,660 --> 00:03:06,120
Ḻezkaꞌ naꞌa, nnezlaꞌ yógoꞌte daꞌ nnabloꞌ Dios, Ḻeꞌ gonnenꞌ chioꞌ.

21
00:03:06,120 --> 00:03:09,200
Jesusenꞌ wnnéꞌ: —Yebán benneꞌ zanoꞌ.

22
00:03:09,200 --> 00:03:16,360
Martanꞌ gožeꞌ Ḻeꞌ: —Nnezlaꞌ yebaneꞌ kateꞌ žin ža ze ḻawte ža naꞌ katenꞌ yebangak benneꞌ gat kaꞌ.

23
00:03:16,360 --> 00:03:28,420
Naž Jesusenꞌ wnnéꞌ: —Nedkzaꞌ nakaꞌ Benneꞌ žesbaneꞌ benneꞌ gat kaꞌ, naꞌ ḻezkaꞌ nakaꞌ Benneꞌ zej nbanḻen benách kaꞌ. Nóteꞌteze benneꞌ chejḻiꞌe chiaꞌ nedaꞌ, ḻaꞌkze gateꞌ, yebankzeꞌ,

24
00:03:28,420 --> 00:03:35,440
naꞌ yógoꞌte benneꞌ kaꞌ nnítaꞌgakeꞌ nbángakeꞌ, naꞌ žejḻéꞌgakeꞌ chiaꞌ, bi gátgakeꞌ to chiꞌize. ¿Žejḻiꞌo daꞌ ni?

25
00:03:35,440 --> 00:03:44,980
Martanꞌ gožeꞌ Ḻeꞌ: —Oꞌ, X̱an. Žejḻiꞌa nakoꞌ Leꞌ Benneꞌ Cristonꞌ, Ẕiꞌn Dios, Bennenꞌ bchebe ḻažeꞌ Dios seḻeꞌe yežlyó nga.

26
00:03:44,980 --> 00:03:55,760
Kateꞌ Marta beyóž bchaḻjeꞌ daꞌ ni, beyejeꞌ yoꞌo, naꞌ bejližeꞌ Lia, noꞌle bileꞌ, naꞌ ži žize gožeꞌ ḻeꞌ: —Benneꞌ Wsedle zoeꞌ nga, naꞌ ẕnnieꞌ leꞌ.

27
00:03:55,760 --> 00:04:00,820
Kateꞌ benle Lianꞌ daꞌ ni, ḻaꞌ wzó žaꞌtieꞌ, naꞌ wyejeꞌ gan zoa Jesusenꞌ.

28
00:04:00,820 --> 00:04:05,180
Bi naꞌ choꞌo Jesusenꞌ yeždonꞌ, san zoazeꞌ gan bejchág Martanꞌ Ḻeꞌ.

29
00:04:05,180 --> 00:04:19,000
Kateꞌ benneꞌ judío kaꞌ, benneꞌ nnítaꞌgakeꞌ ḻo yoꞌonꞌ, naꞌ žeyón ẕéngakeꞌ noꞌle kaꞌ, bḻéꞌegekleꞌ wzó žaꞌ Lianꞌ, naꞌ taríaze bžojeꞌ, naž bejnáwgakeꞌ ḻeꞌ, naꞌ wnnágakeꞌ: —Chejeꞌ žoaꞌa yežw ba nich chejchežeꞌ ga naꞌ.

30
00:04:19,000 --> 00:04:29,040
Naž bžin Lianꞌ gan zoa Jesusenꞌ. Kateꞌ bḻeꞌeleꞌ Ḻeꞌ, byechweꞌ x̱niꞌe, naꞌ gožeꞌ Ḻeꞌ: —X̱an, chelaꞌ wzóꞌ Leꞌ nga, bi got benneꞌ zanaꞌ.

31
00:04:29,040 --> 00:04:38,000
Kateꞌ bḻeꞌel Jesusenꞌ ẕbežeꞌ, naꞌ ḻezkaꞌ ẕbéžegak benneꞌ judío kaꞌ zej nnítaꞌḻengakeꞌ ḻeꞌ, naž gok nyacheꞌ ḻažeꞌe, naꞌ bkaꞌ chiꞌe,

32
00:04:38,000 --> 00:04:42,500
naꞌ wnnéꞌ: —¿Gaẕ bkácheꞌle-neꞌ? Belyiꞌe Ḻeꞌ: —Da wioꞌ.

33
00:04:42,500 --> 00:04:43,860
Wžeže Jesusenꞌ.

34
00:04:43,860 --> 00:04:49,500
Naž bchaḻjgak benneꞌ judío kaꞌ, naꞌ wnnágakeꞌ: —Le wia nga kan nžíꞌiḻeꞌeleꞌ ḻeꞌ.

35
00:04:49,500 --> 00:04:56,700
Baḻeꞌ wnnágakeꞌ: —Ben Benneꞌ ni ga ẕḻeꞌel bennenꞌ gokeꞌ ḻo choḻe. ¿Gok beneꞌ ga bi got Lásaronꞌ?

36
00:04:56,700 --> 00:05:09,400
Daꞌ yoble Jesusenꞌ bkaꞌ chiꞌe, naꞌ bžineꞌ gan de yežw banꞌ. Ba naꞌ yoꞌon to bloj ḻeꞌe yaꞌa yej gan nadjw yežw banꞌ, naꞌ daꞌ to yej blag daꞌ nsejwn gan žoꞌo no benneꞌ ḻo blojenꞌ.

37
00:05:09,400 --> 00:05:22,740
Jesusenꞌ gožeꞌ benneꞌ kaꞌ nnítaꞌgakeꞌ ga naꞌ, naꞌ wnnéꞌ: —Le yekáꞌa yej blagenꞌ. Naž Marta, noꞌle zan benneꞌ gatenꞌ, gožeꞌ Ḻeꞌ: —X̱an, ba ẕḻeꞌe zgot danꞌ ba gok tap ža nateꞌ.

38
00:05:22,740 --> 00:05:28,860
Jesusenꞌ wnnéꞌ: —¿Kege gožkzaꞌ leꞌ chaꞌ žejḻiꞌo, ḻeꞌeloꞌ yeḻaꞌ wak ẕen che Dios?

39
00:05:28,860 --> 00:05:41,800
Naž bekáꞌagakeꞌ yej blagenꞌ daꞌ nsejwn gan žoꞌo no benneꞌ ḻo blojenꞌ gan yoꞌo benneꞌ gatenꞌ. Bwia Jesusenꞌ yaꞌabale, naꞌ wnnéꞌ: —X̱e, žapaꞌ Leꞌ: “Žóx̱kenoꞌ” danꞌ ženloꞌ chiaꞌ nedaꞌ.

40
00:05:41,800 --> 00:05:52,300
Nedaꞌ nnezlaꞌ žéntezeloꞌ chiaꞌ nedaꞌ, san ẕchaḻjaꞌ ki nich gak daꞌ chaweꞌ chegak benneꞌ zan ki, naꞌ nich chejḻéꞌgakeꞌ Leꞌ bséḻaꞌkzoꞌ nedaꞌ.

41
00:05:52,300 --> 00:05:58,940
Kateꞌ beyóž bchaḻj Jesusenꞌ daꞌ ni, wnníeꞌ zižje, naꞌ wnnéꞌ: —Lásaro, bežój kile.

42
00:05:58,940 --> 00:06:13,540
Bežój benneꞌ gatenꞌ ḻo yežw banꞌ, zej nžej niꞌa neꞌe ḻen lážeꞌdoꞌ kaꞌ, naꞌ ngacheꞌ ḻaweꞌ ḻen yetó lážeꞌdoꞌ. Naž Jesusenꞌ gožeꞌ ḻégakeꞌ: —Le yeséž lažeꞌ kaꞌ ḻo niꞌa neꞌe, naꞌ le weꞌ latje yezéꞌe.

43
00:06:13,540 --> 00:06:21,380
Benneꞌ zan, benneꞌ judío kaꞌ, jákḻeneꞌ Lia tẕen, naꞌ bḻéꞌegekleꞌ danꞌ ben Jesusenꞌ. Naž bejḻéꞌgakeꞌ chieꞌ.

44
00:06:21,380 --> 00:06:27,620
Baḻeꞌ jakeꞌ gan zej nnitaꞌ benneꞌ yodoꞌ fariseo kaꞌ, naꞌ bzéngekleꞌ ḻégakeꞌ kan ben Jesusenꞌ.

45
00:06:27,620 --> 00:06:39,560
Naž bdobgak tẕen benneꞌ yodoꞌ wchiꞌa ḻažeꞌ kaꞌ ḻen benneꞌ yodoꞌ fariseo kaꞌ, naꞌ bx̱oz wnná biaꞌ kaꞌ, naꞌ wnnágakeꞌ: —¿Nakx̱kze gonžo? Žon bennenꞌ daꞌ zan yeḻaꞌ wak ẕen.

46
00:06:39,560 --> 00:06:50,960
Chaꞌ wnéẕjwžo Ḻeꞌ latje gonžeꞌ kan žoneꞌ, yógoꞌte benách chejḻéꞌgakeꞌ chieꞌ, naꞌ yídegak benneꞌ Roma kaꞌ nga, naꞌ wchínnjgakeꞌ yodoꞌ laꞌy chežo, naꞌ yež chežo nga.

47
00:06:50,960 --> 00:06:59,220
Naž bchaḻj Kaifás, bennenꞌ nakeꞌ bx̱oz blo yizenꞌ, naꞌ žónḻeneꞌ ḻégakeꞌ tẕen, naꞌ gožeꞌ ḻégakeꞌ: —Ḻeꞌe bi be nnézlele,

48
00:06:59,220 --> 00:07:06,940
naꞌ bi žákbeꞌelele žon byenen gat to benneꞌ niꞌa chegak benách kaꞌ, nich bi kwia yiꞌgak yógoꞌte benneꞌ judío kaꞌ.

49
00:07:06,940 --> 00:07:16,940
Kege žakze chieꞌ bchaḻjeꞌ daꞌ ni, san danꞌ nakeꞌ bx̱oz blo yizenꞌ, che ḻen bchaḻjeꞌ ḻo wláz Dios kan žaḻaꞌ gat Jesusenꞌ niꞌa chegak benneꞌ yeženꞌ.

50
00:07:16,940 --> 00:07:26,140
Gat Jesusenꞌ, kégeze niꞌa che yeženꞌ, san ḻezkaꞌ gateꞌ nich wtobeꞌ ẕiꞌn Dios kaꞌ, benneꞌ zej náslaseꞌ, nich gákgakeꞌ toze.

51
00:07:26,140 --> 00:07:30,340
Kaꞌ goken, ḻaꞌ ža naꞌze ben x̱tížaꞌgakeꞌ gótgakeꞌ Jesusenꞌ.

52
00:07:30,340 --> 00:07:44,420
Che ḻen biž wdá Jesusenꞌ kwáselo gan zej nnitaꞌ benneꞌ judío kaꞌ, san bezéꞌe ga naꞌ, naꞌ wyejeꞌ to latje gawze gan nak latje dach, naꞌ bḻeꞌe ḻo yež Efraín, gan bgaꞌneꞌ tẕen ḻen benneꞌ wsedle chieꞌ kaꞌ.

53
00:07:44,420 --> 00:08:02,260
Kateꞌ ža naꞌ zaꞌ gawze Lni Paskoꞌ chegak benneꞌ judío kaꞌ kateꞌ žejsáꞌ ḻážeꞌgakeꞌ kan ben Dios katenꞌ bebejeꞌ benách chieꞌ kaꞌ ḻo yežlyó Egipto. Bžojgak benneꞌ zan ḻo yež kaꞌ, naꞌ jakeꞌ ḻo yež Jerusalén kateꞌ zaꞌ žin lni naꞌ, nich chejpáꞌ kwíngakeꞌ kan nak che yodoꞌ.

54
00:08:02,260 --> 00:08:15,520
Benneꞌ kaꞌ nnítaꞌgakeꞌ ḻo yež Jerusalén beyíljgakeꞌ Jesusenꞌ, naꞌ katenꞌ wnnítaꞌgakeꞌ ḻo ẕchil yodoꞌ, belnnableꞌ ljéžgakeꞌ toeꞌ yetóeꞌ, naꞌ wnnágakeꞌ: —¿Biẕ ẕnnale ḻeꞌe? ¿Wideꞌ lni, chaꞌ bi yideꞌ?

55
00:08:15,520 --> 00:08:26,160
Ba wnnagak bx̱oz wnná biaꞌ kaꞌ ḻen benneꞌ yodoꞌ fariseo kaꞌ, chaꞌ no benneꞌ nnezleꞌ gan zoa Jesusenꞌ, žaḻaꞌ yedjzenleꞌ ḻégakeꞌ nich gak chejx̱éngakeꞌ Ḻeꞌ.