1
00:00:05,000 --> 00:00:10,780
Ḻaꞌkze ben Jesusenꞌ daꞌ zan yeḻaꞌ wak ẕen ḻawgak benneꞌ judío kaꞌ, bi bejḻéꞌgakeꞌ chieꞌ.

2
00:00:10,780 --> 00:00:23,420
Kaꞌ goken, bžin danꞌ bzoj Isaías, bennenꞌ bchaḻjeꞌ ḻo wláz Dios ža niꞌte, katenꞌ wnnéꞌ: X̱an, ¿noẕkze benneꞌ bejḻiꞌe daꞌ bchaḻjtoꞌ? ¿Noẕkze benneꞌ bḻoeꞌel X̱anžo Dios ḻeꞌ yeḻaꞌ wak chieꞌ?

3
00:00:23,420 --> 00:00:28,840
Kaꞌ goken, bi gok chejḻéꞌgakeꞌ che Jesusenꞌ. Goken kan wnná Isaíasenꞌ katenꞌ wnnéꞌ:

4
00:00:28,840 --> 00:00:43,600
Dios beneꞌ ga gok choḻ yichj ḻáẕdoꞌgakeꞌ, naꞌ gok choch ḻáẕdoꞌgakeꞌ nich bi ḻéꞌegekleꞌ ḻen yej ḻáwgakeꞌ, naꞌ nich bi chejníꞌigekleꞌ ḻo yichj ḻáẕdoꞌgakeꞌ. Naꞌ wnná Dios: Bi yeyákgakeꞌ chiaꞌ nich yeyonaꞌ ḻégakeꞌ.

5
00:00:43,600 --> 00:00:49,900
Bchaḻj Isaíasenꞌ daꞌ ni danꞌ bḻeꞌeleꞌ yeḻaꞌ ẕen che Benneꞌ Cristonꞌ, naꞌ bchaḻjeꞌ kan gak chieꞌ Ḻeꞌ.

6
00:00:49,900 --> 00:01:08,380
Ḻaꞌkze goken ki, bejḻeꞌgak benneꞌ zan che Jesusenꞌ. Ḻezkaꞌ bejḻeꞌgak baḻe benneꞌ wnná biaꞌ kaꞌ chieꞌ, san danꞌ ẕžébegakeꞌ benneꞌ yodoꞌ fariseo kaꞌ, bi bzoa lígakeꞌ chieꞌ kwáselo. Ki béngakeꞌ nich bi kwéjgakeꞌ ḻégakeꞌ to chiꞌize gan ẕdóbgakeꞌ nich yéngekleꞌ x̱tižaꞌ Dios.

7
00:01:08,380 --> 00:01:16,840
Ḻezkaꞌ béngakeꞌ ki danꞌ žeꞌ ḻážeꞌgakžeꞌ gápegak benách kaꞌ ḻégakeꞌ ba laꞌne, ka žeꞌ ḻážeꞌgakeꞌ gape Dios ḻégakeꞌ ba laꞌne.

8
00:01:16,840 --> 00:01:26,380
Jesusenꞌ wnníeꞌ zižje, naꞌ wnnéꞌ: —No benneꞌ žejḻiꞌe chiaꞌ nedaꞌ, kege chiaꞌ nedzaꞌ žejḻiꞌe, san ḻezkaꞌ žejḻiꞌe che X̱aꞌ, Bennenꞌ bseḻeꞌe nedaꞌ.

9
00:01:26,380 --> 00:01:31,420
Ḻezkaꞌ, no benneꞌ ẕḻeꞌeleꞌ nedaꞌ, ḻezkaꞌ ẕḻeꞌeleꞌ X̱anꞌ, Bennenꞌ bseḻeꞌe nedaꞌ.

10
00:01:31,420 --> 00:01:39,380
Nedaꞌ nakaꞌ baníꞌ, naꞌ bḻaꞌa yežlyó nga, nich bi gaꞌngak benneꞌ kaꞌ ḻo choḻe, yógoꞌte benneꞌ kaꞌ chejḻéꞌgakeꞌ chiaꞌ nedaꞌ.

11
00:01:39,380 --> 00:01:53,240
Chaꞌ ženle no benneꞌ x̱tižaꞌa, naꞌ bi žapenꞌ ba laꞌne, kege nedaꞌ chogaꞌ che bennenꞌ kwia yiꞌe, danꞌ bḻaꞌa nga, kege nich chogaꞌ chegak benách kaꞌ nnítaꞌgakeꞌ yežlyó nga kwia yíꞌgakeꞌ, san nich yesláꞌ benách ki.

12
00:01:53,240 --> 00:02:04,760
No benneꞌ ẕzoeꞌ nedaꞌ cheḻaꞌale, naꞌ bi ẕziꞌ ḻo neꞌe x̱tižaꞌa, ba zoa daꞌ chogen chieꞌ kwia yiꞌe. Dižanꞌ danꞌ bcháḻjḻenaꞌ ḻeꞌe naken daꞌ chogen che bennenꞌ kwia yiꞌe ža ze ḻawte ža naꞌ.

13
00:02:04,760 --> 00:02:14,120
Ki naken danꞌ ẕchaḻjaꞌ, kege žakze chiaꞌ, san X̱aꞌ, Bennenꞌ bseḻeꞌe nedaꞌ, gožeꞌ nedaꞌ daꞌ žaḻaꞌ nniaꞌ, naꞌ ḻezkaꞌ kan žaḻaꞌ wchaḻjaꞌ.

14
00:02:14,120 --> 00:02:23,160
Nnezlaꞌ gož Dios nedaꞌ gonaꞌ ki nich gataꞌ yeḻaꞌ nban daꞌ zejlí kanne chegak benách kaꞌ. Ki naken, ẕchaḻjaꞌ kan ba gožkze X̱anꞌ nedaꞌ.