1
00:00:05,000 --> 00:00:28,940
Bžin ža zaꞌ žin Lni Paskoꞌ kateꞌ žejsáꞌ ḻážeꞌgakeꞌ kan ben Dios, katenꞌ bebejeꞌ benách chieꞌ kaꞌ ḻo yežlyó Egipto. Jesusenꞌ nnézkzeleꞌ zaꞌ žin ža chieꞌ gateꞌ, katenꞌ wzéꞌe yežlyó nga, naꞌ yeyejeꞌ gan zoa X̱eꞌ. Kan nžiꞌileꞌ benách chieꞌ kaꞌ, benneꞌ kaꞌ nnítaꞌgakeꞌ yežlyó nga, naꞌa nžiꞌileꞌ ḻégakeꞌ naꞌ zejte gateꞌ ḻo wláz ḻégakeꞌ.

2
00:00:28,940 --> 00:00:37,380
Daꞌ x̱iweꞌ ba ngoꞌo yeḻanꞌ Judas Iskariote, ẕiꞌn to benneꞌ lieꞌ Smon, nich wdíeꞌ Jesusenꞌ ḻo naꞌgak benneꞌ kaꞌ gótgakeꞌ Ḻeꞌ.

3
00:00:37,380 --> 00:00:47,740
Jesusenꞌ nnézkzeleꞌ kan nak, bžojeꞌ gan zoa Dios, naꞌ yeyejeꞌ gan zoa Dios, naꞌ Dios, X̱eꞌ, ba bdieꞌ ḻo neꞌe Ḻeꞌ dot yeḻaꞌ wnná biaꞌ chieꞌ.

4
00:00:47,740 --> 00:00:57,940
Che ḻen, kateꞌ ne žeꞌj žáwgakeꞌ, wzó žaꞌ Jesusenꞌ, naꞌ bekéꞌe laženꞌ žx̱oa x̱kožeꞌe. Bex̱weꞌ to lažeꞌ daꞌ žesbížḻenžon naꞌžo, daꞌ bdeꞌen ḻiꞌe.

5
00:00:57,940 --> 00:01:06,940
Naž wdéꞌe nis to ḻo ẕigaꞌ ya, naꞌ wzó ḻaweꞌ žibeꞌ níꞌagak benneꞌ wsedle chieꞌ kaꞌ, naꞌ žesbižeꞌ níꞌagakeꞌ ḻen laženꞌ daꞌ danꞌ ḻiꞌe.

6
00:01:06,940 --> 00:01:13,740
Kateꞌ bžin Jesusenꞌ gan žeꞌ Smon Bedw, Bedonꞌ gožeꞌ Ḻeꞌ: —X̱an, bi žaḻaꞌ chiboꞌ Leꞌ niꞌa.

7
00:01:13,740 --> 00:01:20,560
Bechebe Jesusenꞌ, naꞌ gožeꞌ ḻeꞌ: —Daꞌ ni daꞌ žonaꞌ, bi žejniꞌilonꞌ naꞌa, san te naꞌa chejniꞌilonꞌ.

8
00:01:20,560 --> 00:01:29,260
Naž Bedonꞌ gožeꞌ Ḻeꞌ: —Bi chibkzoꞌ Leꞌ niꞌa. Jesusenꞌ gožeꞌ ḻeꞌ: —Chaꞌ nedaꞌ bi chibaꞌ leꞌ, bi sákeꞌloꞌ gónḻenoꞌ nedaꞌ tẕen.

9
00:01:29,260 --> 00:01:36,300
Naž Smon Bedonꞌ gožeꞌ Ḻeꞌ: —X̱an, kégeze niꞌa chiboꞌ, san ḻezkaꞌ chiboꞌ naꞌa, naꞌ yichjaꞌ.

10
00:01:36,300 --> 00:01:46,640
Jesusenꞌ gožeꞌ ḻeꞌ: —No benneꞌ nyažeꞌ, níꞌazeꞌ žon byenen chažen, danꞌ ba nakkzeꞌ chaweꞌ dotieꞌ, naꞌ ḻeꞌe nakle chaweꞌ, san kege yógoꞌtele.

11
00:01:46,640 --> 00:01:53,540
Ki wnná Jesusenꞌ: “Kege yógoꞌtele nakle chaweꞌ” danꞌ nnézkzeleꞌ no benneꞌ ládjwgakeꞌ wdíeꞌ Ḻeꞌ.

12
00:01:53,540 --> 00:02:03,420
Beyóž wdíb Jesusenꞌ níꞌagakeꞌ, naꞌ beyakweꞌ laženꞌ bx̱oa x̱kožeꞌe. Bebiꞌe gan žeꞌj žáwgakeꞌ, naꞌ gožeꞌ ḻégakeꞌ: —¿Žejníꞌilele danꞌ zaꞌ benaꞌ chele?

13
00:02:03,420 --> 00:02:10,680
Ḻeꞌe žeꞌle nedaꞌ: “Benneꞌ Wsedle” naꞌ: “X̱an.” Daꞌ li nak daꞌ ẕnnale, danꞌ ki nakaꞌ.

14
00:02:10,680 --> 00:02:19,020
Naꞌa, chaꞌ nedaꞌ nakaꞌ X̱anle, naꞌ Benneꞌ Wsedle chele, naꞌ wdibaꞌ níꞌale, ḻezkaꞌ žaḻaꞌ gonle ḻeꞌe, chible niꞌa lježle tole yetole.

15
00:02:19,020 --> 00:02:22,320
To daꞌ bḻoeꞌelanꞌ ḻeꞌe nich gonle ḻeꞌe kan benaꞌ nedaꞌ.

16
00:02:22,320 --> 00:02:30,340
Daꞌ li žapaꞌ ḻeꞌe: to benneꞌ wen žin bi nakžeꞌ blo ka X̱aneꞌ, naꞌ to benneꞌ wbás bi nakžeꞌ blo ka bennenꞌ bseḻeꞌe ḻeꞌ.

17
00:02:30,340 --> 00:02:35,260
Chaꞌ žejníꞌilele yógoꞌte daꞌ ki, ba nez ẕen gaken chele ḻeꞌe chaꞌ gonle ki.