1
00:00:05,000 --> 00:00:11,020
Wnná Jesusenꞌ: —Bi gek zédlele. Le chejḻéꞌ che Dios, naꞌ le chejḻéꞌ chiaꞌ nedaꞌ.

2
00:00:11,020 --> 00:00:20,020
Latje zan zej den liž X̱aꞌ. Chelaꞌ bi naken ki, nedaꞌ ba gožkzaꞌ ḻeꞌe. Chaꞌa nedaꞌ naꞌa, chejkwezaꞌ latje chele gan chejsoale.

3
00:00:20,020 --> 00:00:29,940
Chaꞌ chejkwezaꞌ latje chele gan chejsoale, naꞌ yeḻáꞌa daꞌ yoble, nich yechiꞌa ḻeꞌe latje chianꞌ, nich gan chejsóaꞌ nedaꞌ, ḻezkaꞌ ḻeꞌe chejsoale ga naꞌ.

4
00:00:29,940 --> 00:00:33,340
Nnézkzelele gan chaꞌa, naꞌ ḻezkaꞌ nónbiaꞌle nez.

5
00:00:33,340 --> 00:00:39,740
Mas gožeꞌ Ḻeꞌ: —X̱an, bi nnezltoꞌ gan chejoꞌ. ¿Nakx̱kze gak gónbiaꞌtoꞌ nezenꞌ?

6
00:00:39,740 --> 00:00:52,740
Bechebe Jesusenꞌ, naꞌ gožeꞌ ḻeꞌ: —Nedaꞌ nakkzaꞌ nez ḻi, naꞌ nakaꞌ daꞌ nak dot daꞌ li, naꞌ nakaꞌ Benneꞌ zej nbanḻen benách kaꞌ. Niꞌa chiaꞌ nedzaꞌ gak ḻaꞌ no benneꞌ gan zoa X̱ažo Dios.

7
00:00:52,740 --> 00:00:59,080
Chelaꞌ nónbiaꞌle nedaꞌ, ḻezkaꞌ nónbiaꞌle X̱anꞌ. Naꞌa, nónbiaꞌle-neꞌ naꞌ ba bḻéꞌelele-neꞌ.

8
00:00:59,080 --> 00:01:03,740
Naž Lip gožeꞌ Ḻeꞌ: —X̱an, bḻoeꞌel netoꞌ X̱onꞌ, náꞌteze.

9
00:01:03,740 --> 00:01:14,960
Bechebe Jesusenꞌ, naꞌ gožeꞌ ḻeꞌ: —Lip, scha ba goken zóaḻenaꞌ ḻeꞌe. ¿Bi nónbiꞌo nedaꞌ? No benneꞌ ẕḻeꞌeleꞌ nedaꞌ, ḻezkaꞌ ẕḻeꞌeleꞌ X̱anꞌ. ¿Naꞌa nnoꞌ: “Bḻoeꞌel netoꞌ X̱onꞌ”?

10
00:01:14,960 --> 00:01:26,580
¿Bi žejḻiꞌo zóaḻenkzaꞌ X̱aꞌ, naꞌ X̱anꞌ zóaḻenkzeꞌ nedaꞌ? Daꞌ ki daꞌ ẕcháḻjḻenaꞌ ḻeꞌe, kege žakze chiaꞌ ẕchaḻjanꞌ, san X̱aꞌ zóaḻenkzeꞌ nedaꞌ, naꞌ Ḻekzeꞌ žoneꞌ žin ki.

11
00:01:26,580 --> 00:01:35,260
Le chejḻéꞌ chiaꞌ, zóaḻenkzaꞌ X̱aꞌ, naꞌ X̱anꞌ zóaḻenkzeꞌ nedaꞌ. Chaꞌ bi gak gonle ki, le chejḻéꞌ chiaꞌ nedaꞌ niꞌa che žin daꞌ žonaꞌ.

12
00:01:35,260 --> 00:01:44,480
Daꞌ li žapaꞌ ḻeꞌe: daꞌ kaꞌ žonaꞌ nedaꞌ, ḻezkaꞌ gon bennenꞌ žejḻiꞌe chiaꞌ nedaꞌ, naꞌ daꞌ ẕenže kaꞌ goneꞌ danꞌ yeyáꞌa gan zoa X̱ažo Dios.

13
00:01:44,480 --> 00:01:56,040
Yógoꞌte daꞌ nnáblele X̱ažo Dios, naꞌ wkónlele žin laꞌ nedaꞌ, nedaꞌ gonaꞌ danꞌ nnable, nich wḻoeꞌelaꞌ ḻaw nedaꞌ, Ẕiꞌn Dios, yeḻaꞌ baníꞌ ẕen che X̱ažo Dios.

14
00:01:56,040 --> 00:02:00,960
Bíteꞌteze danꞌ nnable, naꞌ wkónlele žin laꞌ nedaꞌ, nedaꞌ gonanꞌ.