1
00:00:05,000 --> 00:00:09,560
Ḻezkaꞌ wnná Jesusenꞌ: —Chaꞌ nžíꞌilele nedaꞌ, le gon daꞌ žapaꞌ ḻeꞌe,

2
00:00:09,560 --> 00:00:22,000
naꞌ nedaꞌ gátaꞌyoelaꞌ X̱ažo Dios, naꞌ Ḻeꞌ seḻeꞌe Benneꞌ yoble, Benneꞌ gákḻeneꞌ ḻeꞌe, Benneꞌ gon chocheꞌ ḻeꞌe, naꞌ sóaḻentezeꞌ ḻeꞌe. Bennenꞌ nakeꞌ Dios Beꞌ Laꞌy, Benneꞌ ẕnnakzeꞌ daꞌ li.

3
00:00:22,000 --> 00:00:34,000
Benách kaꞌ nnítaꞌgakeꞌ yežlyó nga bi gak siꞌ ḻo náꞌgakeꞌ Ḻeꞌ, danꞌ bi gak ḻéꞌegekleꞌ Ḻeꞌ, naꞌ bi gak gónbiaꞌgakeꞌ Ḻeꞌ, san zóaḻenkzeꞌ ḻeꞌe, naꞌ soeꞌ ḻo yichj ḻáẕdoꞌle.

4
00:00:34,000 --> 00:00:38,840
Bi wkaꞌnaꞌ ḻeꞌe ka x̱kwideꞌ wzéb kaꞌ. Yeḻáꞌa, naꞌ yedjsóaḻenaꞌ ḻeꞌe.

5
00:00:38,840 --> 00:00:51,140
Yetó chíꞌidoꞌze, naꞌ benách kaꞌ nnítaꞌgakeꞌ yežlyó nga biž ḻéꞌegekleꞌ nedaꞌ, san ḻeꞌe yeḻéꞌelele nedaꞌ. Danꞌ zoakzaꞌ nbanaꞌ nedaꞌ, ḻezkaꞌ ḻeꞌe, to chiꞌize soale nbanle.

6
00:00:51,140 --> 00:01:00,900
Ža naꞌ katenꞌ Dios Beꞌ Laꞌy naꞌ yedjsóaḻeneꞌ ḻeꞌe, nnézkzelele zóaḻenkzaꞌ X̱ažo Dios, naꞌ ḻeꞌe zóaḻenle nedaꞌ, naꞌ nedaꞌ zóaḻenkzaꞌ ḻeꞌe.

7
00:01:00,900 --> 00:01:12,780
Nóteꞌteze benneꞌ ẕziꞌ ḻo neꞌe x̱tižaꞌa, naꞌ žoneꞌ kan ẕnnan, nak biaꞌ nžiꞌileꞌ nedaꞌ. X̱ažo Dios žiꞌileꞌ bennenꞌ nžiꞌileꞌ nedaꞌ, naꞌ nedaꞌ žiꞌilaꞌ bennenꞌ, naꞌ wḻoéꞌe ḻawaꞌ ḻaweꞌ ḻeꞌ.

8
00:01:12,780 --> 00:01:24,260
Judas gožeꞌ Ḻeꞌ, (kege Judas Iskariote), naꞌ wnnéꞌ: —X̱an, ¿nakx̱kze gak wḻoéꞌe ḻawoꞌ ḻawtoꞌ netoꞌ, naꞌ bi wḻoéꞌe ḻawoꞌ ḻawgak benách kaꞌ nnítaꞌgakeꞌ yežlyó nga?

9
00:01:24,260 --> 00:01:35,560
Bechebe Jesusenꞌ, naꞌ gožeꞌ ḻeꞌ: —Nóteꞌteze benneꞌ nžiꞌileꞌ nedaꞌ goneꞌ kan ẕnna x̱tižaꞌa, naꞌ X̱ažo Dios žiꞌileꞌ ḻeꞌ, naꞌ yedjsóaḻentoꞌ ḻeꞌ ḻo yichj ḻáẕdaꞌweꞌ.

10
00:01:35,560 --> 00:01:46,140
Nóteꞌteze benneꞌ bi nžiꞌileꞌ nedaꞌ bi žoneꞌ kan ẕnna x̱tižaꞌa. Daꞌ bénlele, daꞌ bchaḻjaꞌ nedaꞌ, kege chiaꞌ nedzanꞌ, san naken che X̱ažo Dios, Bennenꞌ bseḻeꞌe nedaꞌ.

11
00:01:46,140 --> 00:01:49,320
ꞌŽapkzaꞌ ḻeꞌe daꞌ ki kateꞌ ne zóaḻenaꞌ ḻeꞌe,

12
00:01:49,320 --> 00:02:01,720
san Dios Beꞌ Laꞌy, Bennenꞌ seḻaꞌ X̱ažo Dios chele, gákḻeneꞌ ḻeꞌe, naꞌ gon chocheꞌ ḻeꞌe danꞌ wkónlele žin laꞌ nedaꞌ. Wsedleꞌ ḻeꞌe yógoꞌte, naꞌ wséꞌe ḻážeꞌle kan nak yógoꞌte daꞌ ba gožaꞌ ḻeꞌe.

13
00:02:01,720 --> 00:02:13,700
ꞌWkaꞌnaꞌ daꞌ wkáꞌn ži yichj ḻáẕdoꞌle. Danꞌ wkáꞌn ži yichj ḻáẕdoꞌle daꞌ gonnaꞌ chele, bi naken ka daꞌ ẕnéẕjwgak benách kaꞌ nnítaꞌgakeꞌ yežlyó nga. Bi gek zédlele, naꞌ bi žébele.

14
00:02:13,700 --> 00:02:28,620
Ba bénlele daꞌ ba gožaꞌ ḻeꞌe, wnníaꞌ: yeyáꞌa, naꞌ yeḻáꞌa, naꞌ yedjsóaḻenaꞌ ḻeꞌe. Chelaꞌ nžíꞌilele nedaꞌ, naꞌ yebélele katenꞌ gožaꞌ ḻeꞌe yeyáꞌa gan zoa X̱ažo Dios, danꞌ nakže blo X̱ažo Dios ka nakaꞌ nedaꞌ.

15
00:02:28,620 --> 00:02:34,560
Naꞌa, ba gožaꞌ ḻeꞌe zgaꞌale kateꞌ gaken, nich kateꞌ gaken ki, chejḻeꞌle chiaꞌ nedaꞌ.

16
00:02:34,560 --> 00:02:54,400
ꞌBiž wcháḻjḻenaꞌ ḻeꞌe daꞌ zan, danꞌ zaꞌ daꞌ x̱iweꞌ, danꞌ ẕnna bianꞌ benách kaꞌ nnítaꞌgakeꞌ yežlyó nga. Ḻaꞌkze bi de ḻo nanꞌ bi daꞌ gonen chiaꞌ nedaꞌ, ki žaḻaꞌ gaken nich nnézgekle benách kaꞌ nnítaꞌgakeꞌ yežlyó nga nžiꞌilaꞌ X̱ažo Dios, naꞌ žonaꞌ kan ba gožeꞌ nedaꞌ gonaꞌ. Le so žaꞌ, naꞌ le choꞌo.