1
00:00:05,000 --> 00:00:15,840
Ḻezkaꞌ wnná Jesusenꞌ: —Chaꞌ benách kaꞌ nnítaꞌgakeꞌ yežlyó nga ẕzóagakeꞌ ḻeꞌe cheḻaꞌale, nnézlele ba bzóagakeꞌ nedaꞌ cheḻaꞌale zgaꞌale kan ẕzóagakeꞌ ḻeꞌe cheḻaꞌale naꞌa.

2
00:00:15,840 --> 00:00:32,740
Chelaꞌ nakle toze ḻen benách kaꞌ nnítaꞌgakeꞌ yežlyó nga, žíꞌigekleꞌ ḻeꞌe kan zej nžiꞌileꞌ ljéžgakeꞌ kaꞌ, san ẕzóagakeꞌ ḻeꞌe cheḻaꞌale danꞌ bi nakle toze ḻen ḻégakeꞌ. Ki žaken danꞌ wžekzaꞌ nedaꞌ ḻeꞌe, naꞌ wlejaꞌ ḻeꞌe ládjwgak benách kaꞌ nnítaꞌgakeꞌ yežlyó nga.

3
00:00:32,740 --> 00:00:48,760
Le chejsáꞌ ḻažeꞌ dižanꞌ daꞌ gožaꞌ ḻeꞌe, katenꞌ wnníaꞌ: “Benneꞌ wen žin bi nakžeꞌ blo ka x̱aneꞌ.” Chaꞌ wžía ḻážeꞌgak benách kaꞌ nedaꞌ, ḻezkaꞌ kwia ḻážeꞌgakeꞌ ḻeꞌe. Chaꞌ zej nnitaꞌ benneꞌ kaꞌ žóngakeꞌ kan ẕnna x̱tižaꞌa, ḻezkaꞌ góngakeꞌ kan ẕnna x̱tížaꞌle ḻeꞌe.

4
00:00:48,760 --> 00:00:56,920
Yógoꞌte daꞌ ki gongak benách kaꞌ chele danꞌ žónḻenle nedaꞌ tẕen, naꞌ danꞌ bi zej nónbiꞌe X̱ažo Dios, Bennenꞌ bseḻeꞌe nedaꞌ.

5
00:00:56,920 --> 00:01:08,880
ꞌChelaꞌ bi bḻaꞌa, naꞌ chelaꞌ bi bcháḻjḻenaꞌ ḻégakeꞌ, bi bágaꞌgakeꞌ doḻaꞌ, san naꞌa danꞌ bḻaꞌa nga, bi be zoa daꞌ gak nnágakeꞌ che doḻaꞌ daꞌ zej nbageꞌe nich yebéj chaweꞌ kwíngakeꞌ.

6
00:01:08,880 --> 00:01:13,080
No benneꞌ ẕzoeꞌ nedaꞌ cheḻaꞌale, ḻezkaꞌ ẕzoeꞌ X̱ažo Dios cheḻaꞌale.

7
00:01:13,080 --> 00:01:27,020
Chelaꞌ bi benaꞌ yeḻaꞌ wak ẕen kaꞌ gan nnítaꞌgakeꞌ, daꞌ kaꞌ bi ben nitó benneꞌ kan gókgaken, bi bágaꞌgakeꞌ doḻaꞌ. Naꞌa, bḻéꞌegekleꞌ daꞌ kaꞌ benaꞌ, naꞌ ẕzóagakeꞌ nedaꞌ cheḻaꞌale, naꞌ ḻezkaꞌ ẕzóagakeꞌ X̱aꞌ cheḻaꞌale.

8
00:01:27,020 --> 00:01:35,040
Ki goken, bžin daꞌ ẕnna x̱tižaꞌ Dios, danꞌ wẕíꞌ ḻo náꞌgakeꞌ, danꞌ ẕnnan: “Ẕzóagakeꞌ nedaꞌ cheḻaꞌale naꞌ bi zoa biẕ chenꞌ.”

9
00:01:35,040 --> 00:01:47,700
ꞌKateꞌ yedjsoaḻen Dios Beꞌ Laꞌy ḻeꞌe, Benꞌ ẕchaḻjeꞌ daꞌ li, Ḻenꞌ gákḻeneꞌ ḻeꞌe, naꞌ gon chocheꞌ yichj ḻáẕdoꞌle. Nakeꞌ Benꞌ seḻaꞌa chele ḻo wláz X̱ažo Dios. Beꞌ Laꞌy ni wzóa lieꞌ chiaꞌ nedaꞌ.

10
00:01:47,700 --> 00:01:53,380
Ḻezkaꞌ ḻeꞌe wzóa lile chiaꞌ, danꞌ wzóaḻenkzle nedaꞌ tẕen ža niꞌte, naꞌ zejte naꞌa.

11
00:01:53,380 --> 00:01:56,680
ꞌDaꞌ ki gožaꞌ ḻeꞌe, nich bi gak chope ḻážeꞌle.

12
00:01:56,680 --> 00:02:06,880
Žin ža kateꞌ kwéjgakeꞌ ḻeꞌe to chiꞌize gan ẕdobgak benneꞌ judío kaꞌ nich yéngekleꞌ x̱tižaꞌ Dios, naꞌ ža naꞌ gékgekleꞌ chaꞌ gótgakeꞌ ḻeꞌe góngakeꞌ x̱chin Dios.

13
00:02:06,880 --> 00:02:11,400
Ki góngakeꞌ danꞌ bi zej nónbiꞌe X̱ažo Dios, naꞌ danꞌ bi zej nónbiꞌe nedaꞌ.

14
00:02:11,400 --> 00:02:24,240
Žapaꞌ ḻeꞌe daꞌ ki, nich kateꞌ žin ža naꞌ, chejsáꞌ ḻážeꞌle daꞌ ni daꞌ žapkzaꞌ ḻeꞌe, naꞌ bi gak chope ḻážeꞌle. Ḻezkaꞌ wnná Jesusenꞌ: —Daꞌ ki bi gožaꞌ ḻeꞌe ža niꞌte, danꞌ zóaḻenkzaꞌ ḻeꞌe.