1
00:00:05,000 --> 00:00:13,500
Naꞌa yeyáꞌa, naꞌ chejsóaḻenaꞌ X̱ažo Dios, Bennenꞌ bseḻeꞌe nedaꞌ, naꞌ bi nnáblele nitole ḻeꞌe nedaꞌ, bi nnale: “¿Gaẕ chejoꞌ?”

2
00:00:13,500 --> 00:00:17,100
Naꞌa, danꞌ žapaꞌ ḻeꞌe daꞌ ni, žak nyacheꞌ ḻážeꞌle.

3
00:00:17,100 --> 00:00:31,840
Nedaꞌ žapaꞌ ḻeꞌe daꞌ naken dot daꞌ li. Gakže chaweꞌ chele chaꞌ yeyáꞌa. Chaꞌ bi yeyáꞌa, bi yedjsóaḻen Dios Beꞌ Laꞌy ḻeꞌe. Chaꞌ yeyáꞌa, naꞌ seḻaꞌa-neꞌ, naꞌ yedjsóaḻeneꞌ ḻeꞌe. Ḻeꞌ gákḻeneꞌ ḻeꞌe, naꞌ gon chocheꞌ yichj ḻáẕdoꞌle.

4
00:00:31,840 --> 00:00:42,000
Kateꞌ yideꞌ Ḻeꞌ, yesnisleꞌ benách kaꞌ nnítaꞌgakeꞌ yežlyó nga zej nbageꞌe doḻaꞌ, naꞌ bi zej nónbiꞌe daꞌ naken chaweꞌ, naꞌ Dios chogeꞌ chégakeꞌ kwia yíꞌgakeꞌ.

5
00:00:42,000 --> 00:00:45,180
Zej nbageꞌe doḻaꞌ danꞌ bi žejḻéꞌgakeꞌ chiaꞌ nedaꞌ.

6
00:00:45,180 --> 00:00:53,500
Bi zej nónbiꞌe daꞌ naken chaweꞌ danꞌ gótgakeꞌ nedaꞌ, naꞌ yeyáꞌa gan zoa X̱ažo Dios, Benneꞌ chaweꞌ, naꞌ biž ḻéꞌegekleꞌ nedaꞌ.

7
00:00:53,500 --> 00:01:01,320
Dios chogeꞌ chégakeꞌ kwia yíꞌgakeꞌ danꞌ ba bchogeꞌ che daꞌ x̱iweꞌ kwia yinꞌ, danꞌ ẕnna bianꞌ benách kaꞌ nnítaꞌgakeꞌ yežlyó nga.

8
00:01:01,320 --> 00:01:05,640
ꞌDaꞌ zanže žénelaꞌ wcháḻjḻenaꞌ ḻeꞌe, san bi gak chejníꞌilelen naꞌa.

9
00:01:05,640 --> 00:01:20,160
Ẕchaḻj Dios Beꞌ Laꞌy daꞌ naken dot daꞌ li. Kateꞌ ḻeꞌe Ḻeꞌ, wsedleꞌ ḻeꞌe yógoꞌte daꞌ naken dot daꞌ li, danꞌ bi wchaḻjeꞌ žakze chieꞌ, san wchaḻjeꞌ yógoꞌte daꞌ yenleꞌ danꞌ nna X̱aꞌ, naꞌ wzejniꞌileꞌ ḻeꞌe yógoꞌte daꞌ žaḻaꞌ gaken.

10
00:01:20,160 --> 00:01:25,300
Ḻeꞌ gapeꞌ nedaꞌ ba laꞌne, danꞌ siꞌe daꞌ naken chiaꞌ, naꞌ wzejniꞌilenꞌ ḻeꞌe.

11
00:01:25,300 --> 00:01:32,740
Yógoꞌte daꞌ naken che X̱ažo Dios zej naken chiaꞌ. Che ḻen wnníaꞌ siꞌe daꞌ naken chiaꞌ, naꞌ wzejniꞌilenꞌ ḻeꞌe.

12
00:01:32,740 --> 00:01:41,680
Ḻezkaꞌ wnná Jesusenꞌ: —Yetó chíꞌidoꞌze, biž ḻéꞌelele nedaꞌ, naꞌ yetó chíꞌidoꞌze yeḻéꞌelele nedaꞌ, danꞌ yeyáꞌa gan zoa X̱ažo Dios.

13
00:01:41,680 --> 00:01:57,780
Naž benneꞌ wsedle chieꞌ kaꞌ belyiꞌe ljéžgakeꞌ toeꞌ yetóeꞌ, naꞌ wnnágakeꞌ: —¿Biẕ zejḻás danꞌ gožeꞌ žoꞌo? Wnnéꞌ: “Yetó chíꞌidoꞌze, naꞌ biž ḻéꞌelele nedaꞌ, naꞌ yetó chíꞌidoꞌze yeḻéꞌelele nedaꞌ, naꞌ naken danꞌ yeyáꞌa gan zoa X̱ažo Dios.”

14
00:01:57,780 --> 00:02:04,060
Naž wnnágakeꞌ: —¿Biẕkze zejḻás daꞌ ni, danꞌ wnnéꞌ: “Yetó chíꞌidoꞌze”? Bi žejniꞌiltoꞌ danꞌ wnnéꞌ.

15
00:02:04,060 --> 00:02:16,900
Žákbeꞌele Jesusenꞌ žénegekleꞌ nnábgekleꞌ Ḻeꞌ, naꞌ gožeꞌ ḻégakeꞌ: —¿Ẕnnáblele lježle kan nak che danꞌ wnníaꞌ: yetó chíꞌidoꞌze, naꞌ biž ḻéꞌelele nedaꞌ, naꞌ yetó chíꞌidoꞌze yeḻéꞌelele nedaꞌ?

16
00:02:16,900 --> 00:02:32,420
Daꞌ li žapaꞌ ḻeꞌe: kwéžele, naꞌ gak nyacheꞌ ḻážeꞌle, san benách kaꞌ nnítaꞌgakeꞌ yežlyó nga yebégekleꞌ katenꞌ gótgakeꞌ nedaꞌ. Naž ḻaꞌkze gak nyacheꞌ ḻážeꞌle, yeḻaꞌ nyacheꞌ ḻažeꞌ chelenꞌ yeyaken yeḻaꞌ žebél katenꞌ yeḻéꞌelele nedaꞌ.

17
00:02:32,420 --> 00:02:46,180
To noꞌle kateꞌ zaꞌ galj biꞌdoꞌ chieꞌ, ẕzákaꞌḻiꞌe, danꞌ ba bžin ža chieꞌ, san kateꞌ ba zoa to x̱kwideꞌ byodoꞌ chieꞌ, biž žejsáꞌ ḻažeꞌe danꞌ wẕakeꞌe, san žebeleꞌ danꞌ ba golj to x̱kwideꞌ byodoꞌ yežlyó nga.

18
00:02:46,180 --> 00:02:57,120
Ḻezkaꞌ žaken chele. Nak nyacheꞌ ḻážeꞌle naꞌa, san yeḻáꞌa nedaꞌ, naꞌ yedjwíaꞌ ḻeꞌe, naꞌ naž yebélele, naꞌ bi sákeꞌle no benneꞌ yekéꞌe yeḻaꞌ žebél chelenꞌ.

19
00:02:57,120 --> 00:03:05,680
ꞌŽa naꞌ bi be nnáblele nedaꞌ. Daꞌ li žapaꞌ ḻeꞌe: yógoꞌte daꞌ nnáblele X̱ažo Dios, naꞌ wkónlele žin laꞌ nedaꞌ, Ḻeꞌ gonnenꞌ chele.

20
00:03:05,680 --> 00:03:18,620
Naꞌ zejte naꞌa ža bi ẕkónlele žin laꞌ nedaꞌ kateꞌ bi daꞌ ẕnnáblele X̱ažo Dios. Le nnableꞌ ki, naꞌ gataꞌ chele daꞌ nnáblele-neꞌ, nich gak dot ḻi ḻažeꞌ yeḻaꞌ žebél chele.

21
00:03:18,620 --> 00:03:30,840
Ḻezkaꞌ wnná Jesusenꞌ: —Bsakaꞌ ḻebaꞌ katenꞌ bcháḻjḻenaꞌ ḻeꞌe. Žin ža kateꞌ biž wcháḻjḻenaꞌ ḻeꞌe daꞌ wsakaꞌ ḻebaꞌ, san kwáselo wcháḻjḻenaꞌ ḻeꞌe kan nak che X̱ažo Dios.

22
00:03:30,840 --> 00:03:46,120
Ža naꞌ nnáblele Dios, naꞌ wkónlele žin laꞌ nedaꞌ, naꞌ žapaꞌ ḻeꞌe, bi gon byenen gátaꞌyoelaꞌ X̱ažo Dios ḻo wlazle ḻeꞌe, danꞌ X̱ažo Dios nžiꞌileꞌ ḻeꞌe. Nžiꞌileꞌ ḻeꞌe danꞌ nžíꞌilele nedaꞌ, naꞌ žejḻeꞌle bžojaꞌ gan zoeꞌ Ḻeꞌ.

23
00:03:46,120 --> 00:03:53,960
Bžojaꞌ gan zoa X̱ažo Dios, naꞌ bḻaꞌa yežlyó nga. Yetó daꞌ gaken, yezáꞌa yežlyó nga, naꞌ yeyáꞌa gan zoakzeꞌ Ḻeꞌ.

24
00:03:53,960 --> 00:04:01,040
Naž benneꞌ wsedle chieꞌ kaꞌ belyiꞌe Ḻeꞌ, naꞌ wnnágakeꞌ: —Naꞌa kwáselo ẕchaḻjoꞌ, naꞌ biž žsakaꞌ ḻeboꞌ.

25
00:04:01,040 --> 00:04:12,700
Naꞌa žákbeꞌeltoꞌ nnézkzeloꞌ Leꞌ yógoꞌte, naꞌ bi žon byenen no benneꞌ bi daꞌ nnableꞌ Leꞌ, danꞌ ẕḻoeꞌeloꞌ netoꞌ daꞌ zaꞌ nnabtonꞌ. Che ḻen žejḻeꞌtoꞌ bžojoꞌ gan zoa Dios.

26
00:04:12,700 --> 00:04:17,280
Bechebe Jesusenꞌ, naꞌ gožeꞌ ḻégakeꞌ: —¿Žejḻeꞌle chiaꞌ nedaꞌ naꞌa?

27
00:04:17,280 --> 00:04:28,660
Le wia, zaꞌ žin ža, naꞌ ba zoažo ža naꞌ, katenꞌ gáslasle che chele, naꞌ wkaꞌnle nedaꞌ tozaꞌ, san bi soaꞌ tozaꞌ, danꞌ X̱ažo Dios zóaḻenkzeꞌ nedaꞌ.

28
00:04:28,660 --> 00:04:40,300
Daꞌ ki gožaꞌ ḻeꞌe nich gaꞌn ži yichj ḻáẕdoꞌle, danꞌ nakle chiaꞌ nedaꞌ. Gak daꞌ wsakaꞌ zinꞌ ḻeꞌe yežlyó nga, san le gak choch. Nedaꞌ ba bežojaꞌ chaweꞌ ḻo daꞌ žak yežlyó nga.