1
00:00:05,000 --> 00:00:19,980
Kateꞌ beyóž bchaḻj Jesusenꞌ daꞌ ki, bchis ḻaweꞌ, naꞌ bwieꞌ yaꞌabale, naꞌ wnnéꞌ: —Dios, X̱e, ba bžin ža. Ben ga ḻaꞌ ḻaw yeḻaꞌ ẕen chiaꞌ nedaꞌ, Ẕiꞌnoꞌ, nich gak gonaꞌ ga ḻaꞌ ḻaw yeḻaꞌ ẕen chioꞌ Leꞌ.

2
00:00:19,980 --> 00:00:29,980
Ben ki danꞌ ba bdioꞌ ḻo naꞌa yeḻaꞌ wnná biaꞌ nich nna biꞌa yógoꞌte benách kaꞌ, naꞌ waꞌa yeḻaꞌ nban daꞌ zejlí kanne chegak yógoꞌte benneꞌ kaꞌ bennoꞌ chiaꞌ.

3
00:00:29,980 --> 00:00:41,520
Ki gataꞌ yeḻaꞌ nban daꞌ zejlí kanne chégakeꞌ, chaꞌ zej nónbiꞌe Leꞌ, nakoꞌ Dios tlichaꞌ, naꞌ ḻezkaꞌ zej nónbiꞌe nedaꞌ, Jesús, Benneꞌ Cristonꞌ, naꞌ nnézgekleꞌ Leꞌ bseḻoꞌo nedaꞌ.

4
00:00:41,520 --> 00:00:48,400
ꞌNedaꞌ ba benaꞌ ga nḻaꞌ ḻaw yeḻaꞌ ẕen chioꞌ yežlyó nga, naꞌ ba beyóž benaꞌ žin daꞌ bdioꞌ ḻo naꞌa gonaꞌ.

5
00:00:48,400 --> 00:01:00,340
Naꞌa, X̱e, ben ga ḻaꞌ ḻaw yeḻaꞌ ẕen daꞌ napaꞌ tẕen ḻen Leꞌ, naꞌ gataꞌ chiaꞌ yeḻaꞌ ẕenꞌ daꞌ gotaꞌ chiaꞌ tẕen ḻen Leꞌ ža niꞌte zgaꞌale kateꞌ gotaꞌ yežlyó nga.

6
00:01:00,340 --> 00:01:13,860
ꞌBa bḻoeꞌelaꞌ daꞌ nakoꞌ Leꞌ ḻawgak benneꞌ ki bennoꞌ chiaꞌ, benneꞌ kaꞌ wlejoꞌ ládjwgak benách kaꞌ nnítaꞌgakeꞌ yežlyó nga. Benneꞌ ki gókgakeꞌ chioꞌ, naꞌ Leꞌ bénngakoꞌ-neꞌ chiaꞌ, naꞌ žóngakeꞌ kan ẕnna x̱tižoꞌo.

7
00:01:13,860 --> 00:01:18,320
Naꞌa nnézgekleꞌ yógoꞌte daꞌ kaꞌ bennoꞌ chiaꞌ záꞌgaken ḻo noꞌo Leꞌ,

8
00:01:18,320 --> 00:01:29,700
danꞌ ba bdiaꞌ ḻo náꞌgakeꞌ dižanꞌ daꞌ bdioꞌ Leꞌ ḻo naꞌa nedaꞌ, naꞌ ḻégakeꞌ nziꞌ ḻo náꞌgakenꞌ, naꞌ žákbeꞌegekleꞌ bžojaꞌ gan zoꞌ Leꞌ, naꞌ žejḻéꞌgakeꞌ bseḻoꞌo Leꞌ nedaꞌ.

9
00:01:29,700 --> 00:01:41,000
ꞌNedaꞌ žátaꞌyoelaꞌ Leꞌ gákḻengakoꞌ-neꞌ. Žátaꞌyoelaꞌ Leꞌ, kege gákḻenoꞌ yógoꞌte benách kaꞌ nnítaꞌgakeꞌ yežlyó nga, san gákḻenoꞌ benneꞌ ki bennoꞌ chiaꞌ, danꞌ zej nakeꞌ chioꞌ Leꞌ.

10
00:01:41,000 --> 00:01:52,380
Yógoꞌte benneꞌ kaꞌ, benneꞌ zej nakeꞌ chiaꞌ, ḻezkaꞌ zej nakeꞌ chioꞌ, naꞌ benneꞌ kaꞌ zej nakeꞌ chioꞌ ḻezkaꞌ zej nakeꞌ chiaꞌ, naꞌ kan zej nak benneꞌ kaꞌ ẕloeꞌe ḻawn yeḻaꞌ ẕen chiaꞌ.

11
00:01:52,380 --> 00:02:06,540
ꞌNaꞌa, biž gaꞌnaꞌ yežlyó nga, san benneꞌ ki gáꞌngakeꞌ yežlyó nga, naꞌ nedaꞌ yedjsóaḻenaꞌ Leꞌ. Ẕnnablaꞌ Leꞌ, X̱e laꞌy, ḻen yeḻaꞌ wak chioꞌ gape chiꞌo benneꞌ ki bennoꞌ chiaꞌ, nich gákgakeꞌ toze, kan nakžo žoꞌo toze.

12
00:02:06,540 --> 00:02:25,340
Katenꞌ wzóaḻengakaꞌ-neꞌ ḻo yežlyó nga, wdape chíꞌigakaꞌ-neꞌ, naꞌ bkonlaꞌ žin yeḻaꞌ wak che La laꞌy chioꞌ. Benneꞌ kaꞌ bennoꞌ chiaꞌ, wdape chíꞌigakaꞌ-neꞌ, naꞌ bi bnitaꞌ nitóeꞌ, san toze bennenꞌ nakeꞌ ka ẕiꞌn daꞌ x̱iweꞌ, bennenꞌ wnitleꞌ to chiꞌize. Ki goken, gok daꞌ nyejw ḻeꞌe yiche laꞌy.

13
00:02:25,340 --> 00:02:34,460
ꞌNaꞌa yedjsóaḻenaꞌ Leꞌ, san kateꞌ ne zoaꞌ yežlyó nga, ẕchaḻjaꞌ ki nich gataꞌ yeḻaꞌ žebél chégakeꞌ kan žataꞌ chiaꞌ nedaꞌ yeḻaꞌ žebél.

14
00:02:34,460 --> 00:02:47,740
Nedaꞌ ba bdiaꞌ ḻo náꞌgakeꞌ x̱tižoꞌo, naꞌ benách kaꞌ nnítaꞌgakeꞌ yežlyó nga ẕzóagakeꞌ benneꞌ ki cheḻaꞌale danꞌ bi žónḻengakeꞌ ḻégakeꞌ tẕen, kan nak chiaꞌ nedaꞌ, bi žónḻenaꞌ benách yežlyó kaꞌ tẕen.

15
00:02:47,740 --> 00:02:55,260
Žátaꞌyoelaꞌ Leꞌ, kege kwejoꞌ benneꞌ ki yežlyó nga, san gape chíꞌigakoꞌ-neꞌ, nich bi chóꞌogakeꞌ ḻo naꞌ daꞌ x̱iweꞌ.

16
00:02:55,260 --> 00:03:00,940
Bi žónḻengakeꞌ benách yežlyó kaꞌ tẕen, kan nak chiaꞌ nedaꞌ, bi žónḻenaꞌ benách kaꞌ tẕen.

17
00:03:00,940 --> 00:03:08,120
Bebéj-gakeꞌ cheze chioꞌ, wkonloꞌ žin daꞌ nak dot daꞌ li. Daꞌ nak dot daꞌ li naꞌ naken x̱tižoꞌo.

18
00:03:08,120 --> 00:03:16,660
Kan benoꞌ Leꞌ, bseḻoꞌo nedaꞌ ládjwgak benách kaꞌ nnítaꞌgakeꞌ yežlyó nga, ḻezkaꞌ žonaꞌ nedaꞌ, žséḻaꞌgakaꞌ-neꞌ ládjwgak benách kaꞌ.

19
00:03:16,660 --> 00:03:24,060
Danꞌ nžíꞌigeklaꞌ-neꞌ ẕde kwinaꞌ ḻo noꞌo, nich gákgakeꞌ cheze chioꞌ danꞌ nziꞌ ḻo náꞌgakeꞌ daꞌ naken dot daꞌ li.

20
00:03:24,060 --> 00:03:32,820
ꞌŽátaꞌyoelaꞌ Leꞌ, kege chégakze benneꞌ ki, san ḻezkaꞌ chegak benneꞌ kaꞌ chejḻéꞌgakeꞌ chiaꞌ nedaꞌ niꞌa che daꞌ wchaḻjgak benneꞌ ki.

21
00:03:32,820 --> 00:03:49,420
Žátaꞌyoelaꞌ Leꞌ gonoꞌ ga gákgakeꞌ toze yógoꞌtegakeꞌ, naꞌ ḻezkaꞌ gákgakeꞌ toze ḻen žoꞌo, kan nakoꞌ Leꞌ, X̱e, nakoꞌ toze ḻen nedaꞌ, naꞌ nedaꞌ nakaꞌ toze ḻen Leꞌ. Ki žaḻaꞌ gákgakeꞌ nich chejḻeꞌgak benách yežlyó kaꞌ, bséḻaꞌkzoꞌ Leꞌ nedaꞌ.

22
00:03:49,420 --> 00:03:56,300
Yeḻaꞌ žiꞌi ḻaženꞌ daꞌ bennoꞌ chiaꞌ, nedaꞌ bneẕjwanꞌ chégakeꞌ, nich gákgakeꞌ toze, kan nakžo žoꞌo toze.

23
00:03:56,300 --> 00:04:10,260
Leꞌ nakoꞌ toze ḻen nedaꞌ, naꞌ nedaꞌ gakaꞌ toze ḻen ḻégakeꞌ, nich gak dot ḻi ḻažeꞌ kan zej nakeꞌ toze, naꞌ nich gónbiaꞌgak benách yežlyó kaꞌ, bséḻaꞌkzoꞌ Leꞌ nedaꞌ, naꞌ nžiꞌiloꞌ benneꞌ ki kan nžiꞌiloꞌ nedaꞌ.

24
00:04:10,260 --> 00:04:22,660
ꞌX̱e, žénelaꞌ yedjsóaḻengak benneꞌ ki nedaꞌ, benneꞌ kaꞌ bennoꞌ chiaꞌ, gan chejsóaꞌ, nich ḻéꞌegekleꞌ yeḻaꞌ ẕen naꞌ daꞌ bennoꞌ chiaꞌ danꞌ nžiꞌiloꞌ nedaꞌ ža niꞌte, katenꞌ zaꞌ gonoꞌ yežlyó nga.

25
00:04:22,660 --> 00:04:31,100
X̱e chaweꞌ, benách yežlyó kaꞌ bi zej nónbiꞌe Leꞌ, san nedaꞌ nónbiaꞌkzaꞌ Leꞌ, naꞌ benneꞌ ki nnézgekleꞌ bséḻaꞌkzoꞌ Leꞌ nedaꞌ.

26
00:04:31,100 --> 00:04:43,100
Benaꞌ ga nnézgekleꞌ daꞌ nakkzoꞌ Leꞌ, naꞌ gonžaꞌ ga nnézgekleꞌ daꞌ ni, nich kan nžiꞌiloꞌ Leꞌ nedaꞌ, ḻezkaꞌ žíꞌigekleꞌ ljéžgakeꞌ kaꞌ, naꞌ nich gakkzaꞌ nedaꞌ toze ḻen ḻégakeꞌ.