1
00:00:05,000 --> 00:00:19,760
Kateꞌ beyóž bchaḻj Jesusenꞌ daꞌ ni, bžojeꞌ ga naꞌ, naꞌ benneꞌ wsedle chieꞌ kaꞌ wyéjḻengakeꞌ Ḻeꞌ tẕen. Wdíeꞌ yecheḻáꞌa yego Sedrón, naꞌ bžineꞌ gan de to yežlyó, naꞌ wyóꞌoḻeneꞌ benneꞌ wsedle chieꞌ kaꞌ latjenꞌ.

2
00:00:19,760 --> 00:00:26,920
Ḻezkaꞌ Judas, bennenꞌ ẕdieꞌ Jesusenꞌ, nónbiꞌe latjenꞌ danꞌ btob Jesusenꞌ benneꞌ wsedle chieꞌ kaꞌ ga naꞌ zan chiꞌi.

3
00:00:26,920 --> 00:00:42,560
Naž Judas naꞌ bchiꞌe to kweꞌ benneꞌ kaꞌ žjakeꞌ ḻo wdiḻe, naꞌ benneꞌ niꞌa naꞌgak bx̱oz wnná biaꞌ kaꞌ, naꞌ benneꞌ niꞌa naꞌgak benneꞌ yodoꞌ fariseo kaꞌ, naꞌ jakeꞌ gan zoa Jesusenꞌ, zej noeꞌe yiꞌ yež kaꞌ, naꞌ ya ntocheꞌ chégakeꞌ kaꞌ.

4
00:00:42,560 --> 00:00:50,280
Danꞌ nnézkzele Jesusenꞌ yógoꞌte daꞌ žaḻaꞌ gaken chieꞌ, bžojeꞌ gan zoeꞌ, naꞌ gožeꞌ ḻégakeꞌ: —¿Noẕ benneꞌ žeyiljle?

5
00:00:50,280 --> 00:01:03,860
Bežíꞌigakeꞌ, naꞌ belyiꞌe Ḻeꞌ: —Jesús, benneꞌ Nasaret, žeyiljtoꞌ-neꞌ. Jesusenꞌ gožeꞌ ḻégakeꞌ: —Nedkzanꞌ. (Ḻezkaꞌ Judas naꞌ, bennenꞌ ẕdieꞌ Jesusenꞌ ḻo náꞌgakeꞌ, žónḻeneꞌ benneꞌ kaꞌ tẕen.)

6
00:01:03,860 --> 00:01:10,400
Kateꞌ Jesusenꞌ gožeꞌ ḻégakeꞌ: “Nedkzanꞌ” naž bebígaꞌgakeꞌ, naꞌ wbíx̱gakeꞌ ḻo yo.

7
00:01:10,400 --> 00:01:19,000
Jesusenꞌ wnnableꞌ ḻégakeꞌ daꞌ yoble, naꞌ wnnéꞌ: —¿Noẕ benneꞌ žeyiljle? Belyiꞌe Ḻeꞌ: —Jesús, benneꞌ Nazaret, žeyiljtoꞌ-neꞌ.

8
00:01:19,000 --> 00:01:26,560
Naž bechebe Jesusenꞌ, naꞌ wnnéꞌ: —Ba gožaꞌ ḻeꞌe, nedkzanꞌ. Chaꞌ žeyiljle nedaꞌ, le gonn latje yeyejgak benneꞌ ki.

9
00:01:26,560 --> 00:01:33,920
Ki wnná Jesusenꞌ nich bžin daꞌ bchaḻjeꞌ, katenꞌ wnnéꞌ: “Benneꞌ ki bennoꞌ chiaꞌ, bi bnitaꞌ nitóeꞌ.”

10
00:01:33,920 --> 00:01:43,920
Naž, danꞌ nwaꞌ Smon Bedw to ya ntocheꞌ, wlejenꞌ, naꞌ ḻaꞌ bentieꞌ weꞌ Malko, benneꞌ wen žin che bx̱oz blo, naꞌ bchogeꞌ yid nageꞌ ḻi ža.

11
00:01:43,920 --> 00:01:51,220
Naž Jesusenꞌ gožeꞌ Bedonꞌ: —Begóꞌo ya ntocheꞌ chioꞌ ližen. ¿Bi žaḻaꞌ sakaꞌa danꞌ wnná X̱anꞌ gaken chiaꞌ?

12
00:01:51,220 --> 00:02:00,740
Benneꞌ kaꞌ žjakeꞌ ḻo wdiḻe ḻen bennenꞌ ẕchiꞌe ḻégakeꞌ, naꞌ benneꞌ niꞌa naꞌgak benneꞌ judío wnná biaꞌ kaꞌ, béx̱wgakeꞌ Jesusenꞌ, naꞌ bchéjgakeꞌ Ḻeꞌ.

13
00:02:00,740 --> 00:02:06,800
Naž bchéꞌgakeꞌ Ḻeꞌ ḻaw Anás, danꞌ nakeꞌ x̱toꞌ ẕiꞌn Kaifás, bennenꞌ nakeꞌ bx̱oz blo yizenꞌ.

14
00:02:06,800 --> 00:02:16,860
Kaifás naꞌ nakeꞌ bennenꞌ bzejniꞌileꞌ benneꞌ judío wnná biaꞌ kaꞌ, naꞌ bḻoeꞌeleꞌ ḻégakeꞌ gakže chaweꞌ gat toze benneꞌ, naꞌ kege kwia yiꞌ dot yež chégakeꞌ.