1
00:00:05,000 --> 00:00:19,260
Smon Bedw ḻen yetó benneꞌ wsedle che Jesusenꞌ, jakeꞌ x̱kóžeꞌlgak benneꞌ kaꞌ ẕchéꞌgakeꞌ Jesusenꞌ, naꞌ bejnáwgakeꞌ Ḻeꞌ. Benneꞌ wsedle ni wyóꞌoḻeneꞌ Jesusenꞌ ḻaꞌ ḻiꞌa liž bx̱oz blo, danꞌ nonbiaꞌ bx̱oz blonꞌ ḻeꞌ.

2
00:00:19,260 --> 00:00:33,180
Bedonꞌ bgaꞌneꞌ naꞌle gan žoꞌogak benách kaꞌ ḻaꞌ ḻiꞌa naꞌ. Che ḻen bežój benneꞌ wsedlenꞌ nonbiaꞌ bx̱oz blonꞌ ḻeꞌ, naꞌ bcháḻjḻeneꞌ noꞌlenꞌ žape chiꞌe gan žoꞌogak benách kaꞌ ḻaꞌ ḻiꞌa naꞌ, naꞌ beneꞌ ga wyóꞌo Bedonꞌ ga naꞌ.

3
00:00:33,180 --> 00:00:43,280
Naž noꞌlenꞌ žape chiꞌe gan žoꞌogak benách kaꞌ ḻaꞌ ḻiꞌa naꞌ gožeꞌ Bedonꞌ, naꞌ wnnéꞌ: —¿Ḻezkaꞌ leꞌ žónḻenoꞌ Bennenꞌ tẕen? Bežíꞌi Bedonꞌ, naꞌ wnnéꞌ: —Kege nedaꞌ.

4
00:00:43,280 --> 00:00:57,080
Danꞌ žak daꞌ zag, benneꞌ wen žin kaꞌ, naꞌ benneꞌ niꞌa naꞌgak benneꞌ yodoꞌ kaꞌ, ba bẕéngakeꞌ yiꞌ, naꞌ zégakeꞌ žoaꞌa yinꞌ, naꞌ žechéꞌl kwíngakeꞌ. Ḻezkaꞌ Bedonꞌ zéḻeneꞌ ḻégakeꞌ tẕen, naꞌ žechéꞌl kwineꞌ.

5
00:00:57,080 --> 00:01:05,160
Naž bx̱oz blo wlejeꞌ Jesusenꞌ dižaꞌ nich nnezleꞌ no benneꞌ kaꞌ žónḻengakeꞌ Ḻeꞌ tẕen, naꞌ bi daꞌ žsedle Jesusenꞌ benách kaꞌ.

6
00:01:05,160 --> 00:01:21,540
Bechebe Jesusenꞌ, naꞌ gožeꞌ ḻeꞌ: —Kwáselo bcháḻjḻenaꞌ yógoꞌte benách kaꞌ. Bsédtezegeklaꞌ-neꞌ gan nak ḻo yoꞌo gan ẕdóbgakeꞌ nich yéngekleꞌ x̱tižaꞌ Dios, naꞌ ḻezkaꞌ ḻo ẕchil yodoꞌ, gan ẕdobgak yógoꞌte benneꞌ judío kaꞌ, naꞌ bi be bchaḻjaꞌ ngácheꞌze.

7
00:01:21,540 --> 00:01:30,320
¿Biẕ chenꞌ ẕbejoꞌ nedaꞌ dižaꞌ? Wléj dižaꞌ benneꞌ kaꞌ béngekleꞌ daꞌ bcháḻjḻengakaꞌ-neꞌ. Bwia nga, nnézgekle benneꞌ kaꞌ danꞌ bcháḻjḻengakaꞌ-neꞌ.

8
00:01:30,320 --> 00:01:41,660
Kateꞌ beyóž bchaḻj Jesusenꞌ daꞌ ni, naꞌ to benneꞌ niꞌa naꞌgak benneꞌ yodoꞌ kaꞌ, benneꞌ zoeꞌ ga naꞌ, wdapeꞌe žoaꞌa ḻaw Jesusenꞌ, naꞌ wnnéꞌ: —¿Ki žebiꞌo ḻaw bx̱oz blonꞌ?

9
00:01:41,660 --> 00:01:51,780
Bechebe Jesusenꞌ, naꞌ gožeꞌ ḻeꞌ: —Chaꞌ bi wnníaꞌ chaweꞌ, bḻoeꞌel biẕ daꞌ wnníaꞌ daꞌ bi naken chaweꞌ, naꞌ chaꞌ gok chaweꞌ daꞌ wnníaꞌ, ¿biẕ chenꞌ wdapoꞌo nedaꞌ?

10
00:01:51,780 --> 00:01:58,700
Naž Anás naꞌ beseḻeꞌe Jesusenꞌ nžejeꞌ, naꞌ bejzégakeꞌ Ḻeꞌ ḻaw Kaifás, bennenꞌ nakeꞌ bx̱oz blo.

11
00:01:58,700 --> 00:02:10,840
Kateꞌ ne ze Bedw žoaꞌa yiꞌ, žechéꞌl kwineꞌ, benneꞌ kaꞌ nnítaꞌgakeꞌ ga naꞌ belyiꞌe ḻeꞌ, naꞌ wnnágakeꞌ: —¿Ḻezkaꞌ leꞌ žónḻenoꞌ Jesusenꞌ tẕen? Bežíꞌi Bedonꞌ, naꞌ wnnéꞌ: —Kege nedaꞌ.

12
00:02:10,840 --> 00:02:21,860
Zoa to benneꞌ wen žin che bx̱oz blo ga naꞌ, naꞌ nakeꞌ ljež bennenꞌ bchog Bedonꞌ yid nageꞌ, naꞌ benneꞌ wen žin ni gožeꞌ Bedonꞌ: —Bḻeꞌelaꞌ leꞌ ḻo yežlyónꞌ, žónḻenoꞌ Jesusenꞌ tẕen.

13
00:02:21,860 --> 00:02:25,180
Daꞌ yoble bežíꞌi Bedonꞌ, naꞌ ḻaꞌ wžéžete lekoꞌ.