Tawitji̱a̱i̱ yujarmia nu
22
1-5 Nuya̱ṉka pisar Tawitkia kayá wa̱a̱ Aturam tutainiam u̱mkamiayi. Tura ni aparí̱sha tura yachi̱sha nuna nekaawar weriarmiayi. Núnisaṉ ashí wáitkiasma, tumashmaku, tsaaṉkea áintsaṉ yapá enentáimniusha Tawitji̱a̱i̱ iruntrarmiayi. Nuyá̱ kuatrusiántu shuar iruntrarmia nuna uuntri̱ Tawitkia ajasmiayi. Kame Tawitkia aparí̱ncha tura nukurí̱ncha Muápnumia̱ úunt akupniun ame waitrukarta tusa ikiurkiarmiayi.Etumnumia̱ Tuek Ajimiríkian chichaman etsertukma
6-10 Nuyá̱ Saur Tawitian tura aents niji̱a̱i̱ pujuinia nuna wáinkiarai táman antukmiayi. Nuyá̱ úunt akupin ni takarniúri̱n chicharuk “Winia uchir Junatán Tawitji̱a̱i̱ chícham najanamusha ¿urukamtai winia ujatkachmarum?” tutai Tuek chichaak “Tawitian Núpnum wainkiamjai tura Yúsnan pujurin Ajimirík yurumkan susa núnisaṉ Jiristíu aents Kuriata puya̱ri̱ncha Tawitian susamai” tu ujakmiayi.
Saur Núpnumia̱ Yúsnan pujurniun máwarma
11-23 Ajimirík Tawitniaka yáiṉkiuiti táman Saur nekaamiayi. Núnisaṉ Yúsnan pujurin uchaintiséṉku armia núnaka Saur timia asamtai Tuek ashí máwarmiayi. Antsu aya Awiatárak pisar Tawitiai̱ wéu asa mantamnachmiayi.