Pirtat chichatan náṉkamma
8
Juupa amikri̱ Suánmaya̱ Pirtat chicharuk2 “¿Urutáik ámeka nuní̱ chicháu áchatam?
Tura chichammesha nase kakaram téter ajakí̱ winiana ¿núnis áchat?
3 Antsu Yussha ¿péṉker túramun émeseawak?
Túrutskesha Ashí Tujintkiachu Yus péṉkera tura nuna ¿yajauch awajeawak?
4 Ame uchiram nekas tunaan túrawaru ásarmatai Uunt Yus asutiácharmashi.
5 Tuma asamtai amesha káshik Yus e̱a̱kaintme. Túram
Ashí Tujintkiachu Yus seamka
6 tunaarincha tura péṉker túriniaitkiumni̱ṉkia,
wi íismaka Yussha shintiar nekas péṉker túriniuyamna nuiṉ
ímiatrusar pujustinian ataksha yaintmakainti.
7 Yama juárkum ame ímianchachitkiumnisha
atakka nuna naṉkaamas náakam awajsamu átatme.
8 Wats yaunchu we̱a̱ta aparí̱sha itiurak pujú armia nu amesha inintrúsam nekaata.
9 Kame iikia yá̱u̱yaitji tuma asar peṉké nekatsji,
ii tsawantri̱ ju̱ nuṉkanmaṉka mikintra áintsaiti.
10 Yáunchuya̱ aarmia nusha jintintramachartatuak
tura ni enentái̱ya̱ jiinia nú chichamchanak ujatmákartata.
11 ¿Petsasha kuchanmanchu tsakarminkiait?
¿Entsaya̱ akapmaas entsaja̱i̱nchu tsakarminkiait?
12 Samekaitiat tura tsupikchamaitiat
chíkich nupa̱ka káiniatsa̱i̱ṉ niyá káawiti.
13 Núnis áiniawai ashí aents Yusan kajinmatainia nuka
tura Yusan enentáimtichu ainia nuna wakeramuri̱ṉkia amutukartatui.a
20 Shuar péṉker enentáimkia ainia núnaka Yuska peṉké nakitchaiti
tura yajauch shuarnaka yaya̱tsui.
21 Tura wishirtinniasha
nuyá̱ warasar untsumkatniuncha Yus amastatui.
22 Ame nemasmeka natsan ajakártatui
tura Yusan umircha ainia nuna pujutái̱ri̱nkia emeskamu ártatui”
tímiayi Pirtat.