Uunt Yusa tsáapnintri̱ tura aentsu péṉkeri̱
Tawit kantamámu
8
Uunt Yusá ii Yúsri̱nme.¡Maa! Ame náaram ashí nuṉkanmasha tí naṉkamantuiti.
Nayaimpinmasha ame tsáapnintrum ikiusuitme.
2 Kame kajen tura maṉkartin ainia nu natsa̱a̱rar
ame nemasrum itiatmamtikiartaj tusam uchisha tura kuírchisha shiir awajtúsarat tusam tsaṉkatkaitme. Mat. 21:16
3 Nayaimpiniam iimsan kashí nantuncha yaancha
Ame najankamu ainia nuna wainiainiajai.
4 Nuna wainkian ¿aentsti Ame imiá enentáimtutai̱ átincha warimpiaitiajⁱ?
Kame aentsu uchirí̱sha ¿warí asamtai pujursataj tamea?
5 Kame aentstinkia nayaimpinmaya̱ suntarja̱i̱ṉkia imianchach najankaruitme.
Túrayatmek winchari̱ tura arantútairi̱ susamam nuja̱i̱ páantin awajsaitme.
6 Nuyá̱ Ame najankamun akupkarti tusam nin tsaṉkatkaitme.
Tura ashí umirkarti tusam sukartusuitme. Isr. 2:6-8; 1 Kur. 15:27; Ipi. 1:22
7 Kame ashí taṉku, waakasha, muriksha tura yajasma kampunniunmaya̱sha
8 núnisaṉ yakí̱ nanamtin yujainia nusha
tura nayantsanmaya̱ namaksha ashí umirkarti tusam sukartusuitme.
9 Uunt Yusá ii Yúsri̱nme.
¡Maa Ame náaram ashí nuṉkanmasha ti naṉkamantuiti!