Uunt Yus naṉkamantu Akupniuiti
Tawit kantamámu
24
Ju̱ nuṉkasha tura ju̱ nuṉkanam ashí irunainia nusha takamtsuk Uunt Yusna áiniawai. 1 Kur. 10:262 Warí, Úunt Yusak nuṉká tépakmari̱ncha najana nayantsanam
tura ashí entsanam tímiatrusaṉ ikiuschamkia.
3 ¿Yaki Uunt Yus anaikiamu nainnium wákatniuit?
¿Kame yaki Yusa Uunt Je̱e̱n imiá shiirnum pujusat?
4 Tunáa túrichu tura yajauch enentáimcha nuyá̱ antra nuna enentáimtichu
núnisaṉ nekas tajai tiniu wáitrichu ainia nu pujusártin áiniawai.
5 Kame uwemtikin Uunt Yus nu aentsun péṉker enentáimtusar yáintkiartatui.
6 Maa, nu aents Uunt Yusan wáinkiatniun wakerin áiniawai.
Kame Amincha Jakupa Yúsri̱nmena nuna waitmaktinian wakerutmainiawai. (Séraj)
7 Maa, wáitisha urantrati.
Kame métekrak uraniarti.
Nui̱ Ashí Naṉkamantu Úunt Akupin shiir waya̱ti.
8 ¿Ausha Naṉkamantu Úunt Akupniusha yait?
Ti kakaram tura mesetnumsha awakmáru Ashí Tujintkiachu Úunt Yusaiti.
9 Maa, wáitisha urantrati.
Kame métekrak uraniarti.
Nui̱ Ashí Naṉkamantu Úunt Akupin shiir waya̱ti.
10 ¿Ausha Naṉkamantu Úunt Akupniusha yait?
Ashí Akupin Úunt Yusri̱ṉkia Naṉkamantu Akupniua nuiti. (Séraj)