Waitnentrur aṉkant awajtúsat tusar seamu
43
Uunt Yusá nekasa nuja̱i̱ métek nekarata. Túram uunt nuṉka mátsatka Yusan enentáimtichu ainia nuyá̱ ayamprutkata.Shuar anaṉkartin tura Yus shuarcha ainia nuyá̱ aṉkant awajtusta.
2 Ámeka winia wenuke péṉker iwiartukma Yus áyatmesha ¿urukamtai ajapa iniaitiusum?
¿Urukamtai nemasur wáitkiarakuish ajakmárua nunisha wekaitiaj?
3 Nekasa núja̱i̱sha Ame tsáapnintrum akupkata. Nu wíniaka jurukiartatui.
Tura Yusna akantúkma náintrumincha
tura Ame pujutái̱ram írunna nui̱ ejetiartatui.
4 Túrunan Yus áestutai̱niam jeattajai.
Yusan shiir enentáimtakun wararsattajai.
Shiir enentáimtakun árpaja̱i̱ Yusá winia Yusru shiir awajsattajme.
5 ¿Urukamtaik jakamnia nekaprancha tura tí waitsancha pujustaj?
Yusan enentáimtustatjai túran uwemtikruru asamtai yumiṉsan shiir awajsattajai.