Uunt Yus ashí nuṉkanmaya̱n Úunt Akupniuri̱nti
Kurái uchirí̱ aarma
47
Ashí nuṉkanmaya̱ aentstiram uwejmiji̱a̱i̱ pákeer awajtitiarum.Túrakrum warasma chichamja̱i̱ Yusak ti shiir wararsatarum.
2 Warí Uunt Yuska ti uunt asa ashammainti.
Kame ashí nuṉkanmaya̱n Úunt Akupniuri̱nti.
3 Ashí nuṉkanmaya̱n Ni nupetturmaktatji.
Kame nuja̱i̱ umimtikiatniun tsaṉkatramkattaji.
4 Warí Yuska Jakupun aneak tí peṉkeran amastiniaitjiai tiniu asa nuja̱i̱ nupetkatniun suramsaitji. (Séraj)
5 Kame Uunt Yuska awakmaku asamtai
ti wararainiak kachun umpuukiar nemarsarmiayi.
6 Nu asamtai Yus kantampruátarum.
Kame Yus wararsarum nekas shiir kantampruátarum.
7 Warí Yus ashí nuṉka Úunt Akupniuri̱ asamtai nekas enentáimtusrum kantampruátarum.
8 ¡Maa, Yuska ni ti shiir pujutái̱ri̱n pujusuiti
tura ashí nuṉkanmaya̱n akupeawai!
9-10 Warí, ashí nuṉka kakarmari̱ṉkia Yúsnak áiniawai.
Tuma asamtai ju̱ nuṉkanmaya̱ akupin ainia nusha
Aprajáma Yusri̱n enentáimtuinia nuja̱i̱ pachintraru áiniawai.
¡Maa, aya Niṉki naṉkamantuiti!