Úunt Akupniu pépruri̱ winchari̱
Kurái uchirí̱ jú̱ kantan kantampruáwarmai.
48
Ii Yusri̱ pépruri̱n Ni akantúkma náintri̱nkiaUunt Yuska tí uuntaiti tura tí shiir awajú ajamainti.
2 Kame arakaani̱ṉkia Seun naintkia nuṉka tesarma
tí shiirmach asa ashí aents tí shiir enentáimtutainti.
Nuka ti úunt akupniu pépruri̱ṉkiti.
3 Úunt akupniu pujutai̱ je̱a̱nmaṉka ejamtai̱ asa Yuska nekaamuiti.
4 Kame nuṉkaya̱ úunt akupin
ashí irunturar ashintiukarmai.
5 Tura túmainian wáinkiar tsej ausha tiar
kúntuts enentáimprar wárik pisarármiayi.
6 Nui̱ kurat achikiármai.
Túrunawar nuwa̱ uchin takustaj tusa jatemá najaimiana núniarmai.
7 Etsa̱ tatainmaya̱ tsue̱r naseja̱i̱
Ámeka Társesnumia̱ kánuka ijiakéname.
8 Ashí Akupin Uunt Yus ii Yusri̱
pépruri̱nkia antukuitjinia nuka tímiatrusrik wáinkiaitji.
Tura Yussha tuke péṉker wainkiattawai. (Séraj)
9 Maa Yusá, Ame Uunt Je̱e̱min
Ame waitneṉkratairam enentáimtusuitji.
10 Maa Yusá, nuṉka náṉkatrana tímianaisha
Amiin shiir awajsatniuka Ame náarmiji̱a̱i̱ métekete.
Ame nekasa nuja̱i̱ métek péṉker túrutaiṉkia Ame untsuurumin piákuiti.
11 Kame Seun naintkia warastatui.
Tura Jutá nawantri̱sha Ame nekasa nuja̱i̱ métek sumamtikiakmin shiir enentáimprartatui.
12 Tura Seunka werirum wekatúsrum téntaktarum
túrarum kumpin je̱e̱sha nekapmartarum.
13 Kame ukunam aents matsamártatna nu ujakármi tusarum
ni a̱a̱ya̱ tanishri̱sha wajasrum émamkesrum iistarum
tura peṉkeri̱ je̱e̱ ainia nusha péṉker íirsatarum.
14 Warí ii Yusri̱ṉkia ukunmasha tuke íi Yusri̱ṉ átatui.
Tura jákatniua nuna á̱a̱wini̱sha tuke péṉker juramkittiaji.