Aents Yusan kitiamakui seatin
Tawit kantamámu
63
Maa Yusá, Ámeka winia Yúsruitme ju̱cha enentáimpran e̱a̱jmewinia wakantruka Áminiun kitiamawai.
Nuṉka ju̱ju̱ptin entsa atsunum winia aya̱shur kitiamak wakerutmawai.
2 Yus Shiir Awajtai̱ Je̱e̱min ame kakarmarmincha
tura ame wincharumin wainkiajai.
3 Kame ame waitnenkartutairmeka iwiaakmaja̱i̱sha naṉkaamas péṉkeraiti,
tuma asakmin winia wenurja̱i̱ shiir awajsattajme.
4 Tura wi iwiaakjana ju̱i̱ṉkia shiir awajtiatjame,
tura ame náarmin pachisan uwejrun takurtiatjame.
5 Yurumkan tí peṉkeran yuruma ti shiir enentáimtsuk núnisnak wisha nekaprattajai.
Tura winia wenurja̱i̱ shiir awajkun kantampruáttajme.
6 Kame wikia Ámin enentáimtakun peakruí̱ tepesan
jintia iistá tusar awasamu áintsaṉ shintiaran enentáimtu teperjame.
7 Warí, Ámeka winia yáinniuitme,
tuma asam atash uchichíri̱n wear etektus pujurna áitkiasam ejatkam apujtusakmin warasan kantampruáttajme.
8 Wikia iwiaaku pujajna ju̱i̱ṉkia Ámiji̱a̱i̱ tsaníakui
ame untsuur uwejmiji̱a̱i̱ achirkattame.
9 Kame winia mantuataj turutainia nuka
jakaa matsamtai̱niam akupkarta.
10 Puya̱ja̱i̱ mantamna amuukarti
túrunamtai ni aya̱shi̱nkia rúpu ya̱wá̱ yukartin yuá amukarti.
11 Tura úunt akupniuka Yusai̱ warastatui.
Yus íirmanum tajai tuinia nuka warasartatui
tura wáitrin ainia nuka wené̱ epetkamu ártatui.a