Ú̱msan anaṉkartinniumia̱ Yus aṉkant awajtúsat tusar seamu
Jú̱ kantan Tawit kantamtikniun áatar súsaiti.
64
Najaimiakun seajmena nu Yusá anturtukta.Nemasrun ashamajna nuyá̱ mantuawara̱i̱ṉ wáitkiata.
2 Aya yajauchiniak túrin ainia nu u̱u̱k chichaman jurutainia nuyá̱ ú̱rkata.
Tura untsurí aents iruntrar aya yájauchiniak najanainia nuya̱sha ú̱rkata.
3 Puyá̱ nútikia ni iniai̱n atsakainiawai.
Tura chichame̱ja̱i̱ yajauch awajsatai tusar naṉkia nútikia eketáiniawai.
4 Imitmákchan tukutaj tusa ú̱mak pujus aya aneachma
sapijmiatsuk nin tukuiniawai.
5 Chíkich aents chikichniasha yajauchia nui̱ ikiakáiniawai.
Tura wesa jintiá eṉkemkatniun ú̱kar netuktinian chichaman najatainiawai.
Tura chichainiak “¿Yaki nunasha wainkiat?” tuíniawai.
6 Yajauchin túrattsa chichaman najanainiawai.
Maaj tímiatrusrik túratin chicham jurusji tuíniawai.
Warí chíkich aentska chíkich enentáimmianka nekaachmin áiniawai.
7 Yus tíshimkiuja̱i̱ eketkartatui. Túram aya aneachma akaṉma ártatui.
8 Ní chichame̱ṉ makurartatui. Ashí nin wainiainia nuka muuke̱n pe̱a̱rar wishikrartatui.
9 Nuiṉkia ashí shuar ashamkar Yus túramun etserkartatui.
Túrawar Ni túrukman nekaawartatui.
10 Yusan enentáimtin ainia nuka Jiuwan wararainiak Nin enentáimtusartatui.
Ashí naka enentáimin ainia nuka Yusan shiir awajsártatui.