Nemasri̱ya̱ aṉkant ajasu asa shiir awajma
Tawit kantamámu
124
Uunt Yus yaintmaktaj tusa nekas iiji̱a̱i̱ pujachuitkiui̱ṉkiawaitneasrun Israerá yamái jú̱ titiarum
2 Aents iin kajertamiarmaj nui̱
Uunt Yus yaintmaktaj tusa nekas iiji̱a̱i̱ pujachuitkiui̱ṉkia
3 iin suíran ka̱e̱ kaje̱nturmakarmiajnia nui̱ṉkia
iwiaakri̱ni̱ṉ ku̱jatmarar amutmákara̱a̱ji.
4 Entsa ama̱a̱rak metsar tampari̱sha iin ukatrámkara̱a̱ji.
5 Túmak tampá pujua pujua ajakí̱ iinkia ukatraka̱a̱ji.
6 Uunt Yuska tí shiir awajsamu atí.
Warí namaṉ yúatniua nútikias ii nemasri̱n surutmakchaitji.
7 Warí e̱a̱min ajatkampramunmaya̱ chiṉki pisana núnis iikia pisarármaji.
Netukma tsuriniakmatai iikia pisarármaji.
8 Iin yaintmaktinkia Ni náariṉkia Úunt Yusaiti.
Warí Niṉki nuṉkancha tura nayaimpincha najankaiti.