Uunt Yus níniunka téntak pujurui
125
Kame Uunt Yusan enentáimtuinia nukaSeun naint amuchkachminia núnisaṉ tuke wajana ánis áiniawai.
2 Jerusaréṉ pépruka naint téntakma ajapén pujana núnis
Uunt Yus Niniu ainia núnaka
yamaiya̱ ju̱yá̱ tuke téntak pujuráiniawai.
3 Yusan umircha ainia nuka péṉker túrin ainia nuna pujutái̱ri̱n matsamsachartatui.
Péṉker túrin ainia nuka yajauchia nuna uwejé̱n iwiaintiukcharti.
4 Maa Uunt Yusru, péṉker ainia nuka Ame péṉker awajsarta,
tura Aminiak enentáimturmainia nu Ame waitnenkartutairam iniaktusarta.
5 Antsu anaṉmamawar Yusai̱ya̱ kanakiar Yusa takatrí̱n iniaisar
yajauchin túrin ainia nui̱m mash Uunt Yus yaruakartatui.
¡Israer shuarnumka tuke shiir aṉkant atí!