Kanta Yus shiir awajkur mai̱ kántam ajatai
136
¡Uunt Yus nekas péṉker asa turaNi waitnenkartutairi̱ṉkia amuicha asamtai nekas yumiṉsatarum! YKan. 106:1; 107:1
2 Ashí yusa Yusri̱ shiir awajsamu atí.
Warí Ni waitnenkartutairi̱ṉkia amuichaiti.
3 Aents túrachminniaka Niṉki úuntan najanniuiti.
Ni waitnenkartutairi̱ṉkia amuichaiti.
4 Aents tujintiamun túrana nuka Níṉkiti.
Ni waitnenkartutairi̱ṉkia amuichaiti.
5 Nayaimpincha nekatairi̱ji̱a̱i̱ najanamiayi.
Ni waitnenkartutairi̱ṉkia amuichaiti.
6 Entsa írunmanum nuṉká iwiaṉkármiayi.
Ni waitnenkartutairi̱ṉkia amuichaiti.
7 Yus etsanniun jímiaran mái̱ uuntnak najanamiayi.
Ni waitnenkartutairi̱ṉkia amuichaiti.
8 Etsa̱nka tsawái̱ kakaram etsantin atí tusa najanamiayi.
Ni waitnenkartutairi̱ṉkia amuichaiti.
9 Kashí nantunka tura yaancha kashi etsantin ártí tímiayi.
Ni waitnenkartutairi̱ṉkia amuichaiti.
10 Uunt Yus Ejiptunmaya̱ aentsu uchirí̱ iwia̱i̱ri̱n kashi ajapéṉ máwarmiayi.
Ni waitnenkartutairi̱ṉkia amuichaiti.
11 Uunt Yus Israer shuaran Ejiptunmaya̱n ji̱i̱rarmiayi.
Ni waitnenkartutairi̱ṉkia amuichaiti.
12 Uwejé kakarmari̱ji̱a̱i̱ tura kunturi̱n iwiaiṉkiamai.
Ni waitnenkartutairi̱ṉkia amuichaiti.
13 Nayantsan akanák kukach ju̱ju̱ptin awajsámiayi.
Ni waitnenkartutairi̱ṉkia amuichaiti.
14 Israer shuaran nuní̱ ikiati̱á̱rmiayi.
Ni waitnenkartutairi̱ṉkia amuichaiti.
15 Parauṉkan suntari̱ntiuk nayantsanam ajekkámiayi.
Ni waitnenkartutairi̱ṉkia amuichaiti.
16 Israer shuarnaka kampuntin atsunumaani̱ yaruakmiayi.
Ni waitnenkartutairi̱ṉkia amuichaiti.
17 Kame úunt akupin armia nunasha nupetkarmiayi.
Ni waitnenkartutairi̱ṉkia amuichaiti.
18 Tura úunt akupin kakaram armia nunasha máwarmiayi.
Ni waitnenkartutairi̱ṉkia amuichaiti.
19 Núnisaṉ Amurnumia̱ úunt akupin Sejunnasha mámiayi.
Ni waitnenkartutairi̱ṉkia amuichaiti.
20 Tura Pasannumia̱ úunt akupin Úknasha mámiayi.
Ni waitnenkartutairi̱ṉkia amuichaiti.
21 Kame nuyá̱ akupin armia nuna nuṉke̱n súsarmiayi.
Ni waitnenkartutairi̱ṉkia amuichaiti.
22 Israer shuarka Ni takarniúri̱ ásarmatai nú nuṉkanka súsarmiayi.
Ni waitnenkartutairi̱ṉkia amuichaiti.
23 Péejchach enentáimturmak iinkia enentáimturmasmiaji.
Ni waitnenkartutairi̱ṉkia amuichaiti.
24 Ii nemasri̱ya̱ uwemtikrampramiaji.
Ni waitnenkartutairi̱ṉkia amuichaiti.
25 Ashí iwiaakainia nuna ayurainiawai.
Ni waitnenkartutairi̱ṉkia amuichaiti.
26 ¡Nayaimpir nayaimpirnumia̱ Yus shiir awajsata!
Ni waitnenkartutairi̱ṉkia amuichaiti.a