Israer shuara, Uunt Yus shiir awajsatarum
149
¡Naṉkamantuitme Uunt Yusá!Uunt Yuska yamaram kanta kantampruátarum.
Winia tímiatrus enentáimturniutirmeka iruntramunam shiir awajtústarum.
2 Israerá ámin Najatmana nu wararsatarum,
Seuna uchiri̱yá ame Úunt Akupniurmin shiir enentáimkiuram warastarum.
3 Ni naari̱ shiir awajkuram jantsemátarum.
Shakapja̱i̱sha tura ké̱e̱rja̱i̱sha shiir awajkuram kantamátarum.
4 Warí Uunt Yuska ni shuari̱n wararniuiti
tura waantu enentáimtumachu ainia núnaka uwemtikrar aṉkant awajainiawai.
5 Winia nekas enentáimturainia nuka ni péṉkeri̱ji̱a̱i̱ṉ warasarti,
ní peakri̱ya̱n warasar untsumkar kantamáwarti.
6 Yus kantamprakrumka atumí wene̱ja̱i̱
puyá̱ mái̱ atsakamu takusrum kantamátarum.
7 Nuja̱i̱ uunt nuṉka mátsatkamu yapajkiatarum
túrarum aents asutiátarum.
8 Tura úunt akupin ainia nuka jiruja̱i̱ jiṉkiamu ártí
núnisaṉ peṉkeri̱ ainia nusha jiru chapikmarmaja̱i̱ jiṉkiatarum.
9 Yus akuptámkarmania ímiatrusrum sumamtikiatarum.
Tura ashí nu túrakrumni̱ṉkia Yusan tímiatrus umirin ainia nuna winchari̱ṉkia Úunt Yusak átatui.
¡Naṉkamantuitme Uunt Yusá!