Ashí mayatkatiram Uunt Yus shiir awajsatarum
150
¡Naṉkamantuitme Uunt Yusá!Ni Shiir Awajtai̱ Je̱e̱n Yus shiir awajsatarum.
¡Nuyá̱ Ni nayaimpiri̱n ti uunt tura tí kakaram ásarmatai Yuska shiir awajsatnuitrume!
2 ¡Yus ni kakarmari̱ji̱a̱i̱ najanka ásarmatai shiir awajsatarum.
Ni imiá uunt asamtai shiir awajsatarum!
3 ¡Kachu umpuakrum Yus shiir awajsatarum
núnisrumek árpaja̱i̱sha tura ké̱e̱rja̱i̱sha shiir awajsatarum!
4 ¡Shakapja̱i̱ jantsemkum Yus shiir awajsatarum
núnisrumek kitiarja̱i̱sha tura piṉkiuiji̱a̱i̱sha shiir awajsatarum!
5 ¡Tura jiru tsentsempat kakaram chichainiana nuja̱i̱ shiir awajsatarum
tura jiru tsentsempatja̱i̱ tuntuiyarum shiir awajsatarum!
6 ¡Ashí mayatrumna nu Uunt Yus shiir awajsatarum!
¡Naṉkamantuitme Uunt Yusá!