Tamasku asutniátin étserma
17
1-3 Tamaskunam túrunattana nu etserkamu. Tamaskuka úunt pepruya núnaka iniais yamaikia emeskamu átatui. Aruir péprusha ikiukiarma ásar waaka matsamtai̱ ajasártatui. Eprain nuyá̱ Tamasku aya wenuke̱ najanainiamu iniainiásartatui tura Sírianmaya̱ ishichik juákarusha Israera shíirmari̱ji̱a̱i̱ métek emesnakartatui. Ashí Akupin Uunt Yus táman Isayas tu etserkamiayi.Israer asutniátin étserma
4-6 Nu tsawantinkia Jakup shuarka naṉkamantu páantniuitiat timiancha ajas trikiu juukam urukawa núnisaraṉ ni juasun júukartatui tawai Ashí Akupin Uunt Yus Israera Yusri̱ tu etserkamiayi Isayas.
7-8 Nu tsawantinkia aentska Israernumia̱ Tunaarincha Yus nin najanawarua nuna íisartatui. Túmainiak ántar najanamu yus ní enentáimtutai̱n ní uweje̱ja̱i̱ṉ najankarua núnaka peṉké pachischartatui.
9-11 Nu tsawant jeamtaikia atumí pépruri̱ iwiarkar utúachmin awajsamu áiniayat Israer shuar wininiakui itiurkarmia núnisaraṉ utsaṉkar ikiukiarma ártatui. Warí atumí Yusri̱ Naṉkamantua nuka kajinmátkiniaitrume tura asarum arakmatka arakmayatrum núnisaṉ kuku̱jrutnasha kuku̱jrukariataṉ júukminkia peṉké atsuttawai.
12-14 Tura núkap aents iruntrar nayants urukawa tímiatrus téter ajakuisha nase umpuam nuka urukawa nútikias Uunt Yus aya émeṉkaktatui. Núnaka Israer shuaran emesainia nú aentsun Uunt Yus túrattawai tusa Isayas etserkamiayi.